ក្រុមប្រតិបត្តិការបច្ចេកទេសកម្ពុជា និងថៃ ជួបប្រជុំរៀបចំផែនការបោះបង្គោលព្រំដែនបណ្តោះអាសន្ន

ក្រុមប្រតិបត្តិការបច្ចេកទេសកម្ពុជា និងថៃ កាលពីព្រឹកថ្ងៃទី១៨ ខែវិច្ឆិកា បានជួបប្រជុំគ្នា នៅច្រកព្រំដែនអន្តរជាតិប៉ោយប៉ែត ក្នុងខេត្តបន្ទាយមានជ័យ ដើម្បីរៀបចំផែនការអនុវត្តការងារបោះបង្គោលព្រំដែនបណ្តោះអាសន្ននៅចន្លោះបង្គោលព្រំដែនលេខ ៤២ ដល់ ៤៧ ស្ថិតក្នុងភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូជ្រៅ ខេត្តបន្ទាយមានជ័យ របស់កម្ពុជា និងខេត្តស្រះកែវ របស់ថៃ តាមស្មារតី និងបែបបទណែនាំបច្ចេកទេសវាស់វែងព្រំដែន។