Kvørnin: "Nætur níggju", Hamradun

"Tann føroyski mentannararvurin í tungmálmshami" og "Hamrandi djúpt dun" eru yvirskriftirnar hjá ummælarunum. Á "Nætur níggju" eru níggju sangir, vísur og kvæði á føroyskum máli umframt ein donsk fólkavísa. Upptøkurnar eru gjørdar live í Bloch studio, og síðani eru uppfylgjandi upptøkur gjørdar í Finnur Hansen studio, í Enni Studio og í Debess studio. Uni Debess hevur framleitt útgávuna og ljóðblandað sangirnar í Debess studio á Tvøroyri, meðan Tony Lindgren hevur mastera útgávuna í Fascintaion Street Studio í Svøríki. Hamradun eru: Pól Arni Holm, sang og kór. Uni Debess, guitar og kór. John Åge Frost, guitar og kór. Heri Reynheim, bass. Finnur Hansen, Ljómborð, gittar, slagverk, harmoniku, floytu og kór. Rani Christiansen, trummur og slagverk. Malan Eyðunsdóttir og Birgar Larsen ummæla hesaferð í Kvørnini, sum Eyðfinn Jensen leggur til rættis.