Lack of goals, Self-doubt; No respect for time; Comparing with others are the factors that slows progress.

ဘယ်နေရာပဲရောက်ရောက် ကိုယ့်ကိုယ်ကိုယ် တိုးတက်အောင် အမြဲကြံဆောင်နေသင့်ပါတယ်။ ဒီနေ့ခေတ်က ပြိုင်ဆိုင်မှု ပြင်းထန် တာကြောင့်အမြဲကြိုးစားနေပြီး ကောင်းမွန်သော အလေ့အကျင့်ကောင်းများကို ပျိုးထောင်ထားမှသာသူများနဲ့ တန်းတူ သို့မဟုတ် သူများရှေ့ကို ရောက်မှာပါ။ ကျွန်တော်တို့နေ့စဉ်လုပ်နေတဲ့ အပြုအမူတွေနဲ့ အလေ့အကျင့်တွေက ဘဝရဲ့ အခြေခံအုတ်မြစ် ဖြစ်လာ ပြီးအနာဂတ်ကိုလည်း ဖော်ဆောင်ပေးပါတယ်။ ဒါပေမယ့် တချို့အဖျက်သဘောဆောင်တဲ့အလေ့အကျင့်တွေနဲ့ အပြုအမူတွေကို လုပ်နေသရွေ့ကတော့ တိုးတက်အောင်မြင်မှု မရှိဘဲသူများ နောက်မှာ ကျန်ခဲ့နိုင်ပါတယ်။ လူတော်တော်များများကစိတ်ကူး၊ အိမ်မက်တွေကို လက်တွေ့ဖြစ်ချင်ကြပါတယ်။ ဒါပေမယ့် ခိုင်မာတဲ့ အစီအစဉ်နဲ့ပြတ်သားတဲ့ မျှော်မှန်းချက်မရှိရင် ဘာကိုမှ အောင်မြင်ဖို့ နည်းလမ်းမရှိပါဘူး။ပန်းတိုင်ကို သတ်မှတ်ခြင်းဟာ အဲဒါတွေကို အကောင်အထည် ဖော်ဖို့ ပထမဆုံးခြေလှမ်းပါပဲ။ဒါ့ကြောင့် ရည်မှန်းချက်ပန်းတိုင် ထားရှိပါ။ ရည်မှန်းချက် ပန်းတိုင်မရှိခြင်းကသူများ နောက်မှာ ကျန်နေခဲ့စေမယ့် အကြီးမားဆုံး အကြောင်းအရာတစ်ခုပါပဲ။