Lack of perseverance, Lack of Self-Confidence, Too much emphasis on the words of the environment, Lack of enthusiasm, These Are The Reasons Why do people give up before reaching their goals.

ရည်မှန်းချက် ပန်းတိုင် တွေဆီရောက်ဖို့ ထင်သလောက် မလွယ်ပါဘူး။ သင့်ရဲ့ ဆုံးဖြတ်ချက် တစ်ခုစီတိုင်းကပန်းတိုင်အပေါ် အများကြီး သက်ရောက်မှုရှိပါတယ်။ ရည်မှန်းချက်တွေရဲ့အစ ခရီးမှာစိတ်အားတက်ကြွခဲ့သလောက် လမ်းတဝက်အရောက်မှာ လက်လျော့လှည့်ပြန်ကြသူတွေလည်းဒုနဲ့ထေးပါပဲ။ ဒါဆို လူတွေဘာကြောင့် ပန်းတိုင်မရောက်ခင်မှာ လက်လျော့သွားကြ တာလဲ။အဖြေကတော့ အခုပြောပြမယ့် အချက်တွေကြောင့်ပါပဲ။                                                                                                               (၁) ဇွဲမရှိလို့။ ဒါကတော့အသိသာအထင်ရှားဆုံး အချက်တစ်ခုပါပဲ။ ဘာပဲလုပ်လုပ် ဇွဲမရှိရင် အောင်မြင်မှုရလဒ်ဆိုတာမထွက်ပါဘူး။ ဇွဲလုံ့လမရှိတဲ့သူတွေက အရာရာတိုင်းကို လွယ်တယ်လို့ ထင်ကြပါတယ်။ဒါပေမယ့် အခက်အခဲ နည်းနည်းတွေ့တာနဲ့ လက်လျော့ချင်စိတ်က များကြပါတယ်။ ဒီတော့ရည်မှန်းထားတဲ့ ပန်းတိုင် တွေကို ဘယ်တော့မှ မရောက်နိုင်တော့ပါဘူး။ (၂)ကိုယ့်ကိုယ်ကို မယုံကြည်လို့။ သံသယစိတ်ဟာသိပ်ကိုကြောက်စရာ ကောင်းပါတယ်။ သံသယစိတ်ဝင်လာရင် အရာရာပျက်စီး တာပါပဲ။ ဒီထဲမှာအဆိုးဆုံးက ကိုယ့်ကိုယ်ကို သံသယစိတ်ဝင်ပြီး ယုံကြည်မှုအားလျော့တာပါ။ ငါမလုပ်နိုင်ဘူး ၊ မအောင်မြင်နိုင် ဘူး လို့ ကိုယ့်ကိုယ်ကို ထင်ရင် တကယ်ပဲပန်းတိုင်တွေဟာ ဝေးဝါးသွားတက်ပါတယ်။ ဒါကြောင့်ပဲ တစ်စုံတစ်ခုကို အောင်မြင် အောင်ကြိုးစားချင်ရင် ကိုယ့်ကိုယ်ကို ယုံကြည်စိတ်အပြည့်အဝ သွင်းထားဖို့လိုပါတယ်။