Laila Ludborža-Gleizde ar saimi – stortp latgaliskū i latvyskū

Laila Ludborža-Gleizde kūpā ar veiru Edgaru i  jūs četrim bārnim – Gustavu, Esteri, Karlīnu i Jēkabu – jau kaidu strēči dzeivoj storp Reigu i Rēzeknis nūvodu. Niu gon, jemūt vāra vysus īrūbežuojumus, iz dzymtū Rēzeknis nūvodu saīmūt nūbraukt arviņ rešuok. Jau ar pyrmuo bārna pīdzimšonu jaunī vacuoki pījēmuši lāmumu, ka bārnu pyrmuo i ari kasdīnys sarunvolūda saimē byus latgalīšu. Laila īprīškejū reizi „Kolnasatā” gasteja 2017. goda golā, pīsadolūt sarunā par latgalīšū volūdys lītuošonu saimē. Nu ituo laika juos saimei pīšavīnuojuši  vēļ diveji bārni, auguse pīredze latgalīšu volūdys lītuošonā saimē, saprosts, kai i kurā šaļtī bārnim teik vuiceita ari latvīšu literaruo volūda, kaba jī veiksmeigai varātum īsakļaut pyrmškolys izgleiteibys īstuodēs i piečuok ari školuos. „Obejim bārnim ir cīši loba pīredze, īsakļaunūt izgleiteibys īstuodēs. Mes varim drūsai saceit, ka tys myusu lāmums – ar bārnim runuot latgaliski – ir ness cīši pozitivus īgivumus i nav radiejs nikaidys gryuteibys.”