Lana Kazlauskiene i juos pyrmuo izstuode „Es asu Drycani”

Juļa golā Drycānūs beja apsaverama drycānītis Lanys Kazlauskienis radeitūs fotoportretu izstuode „Es asu Drycani”, kurymā desmit Drycānu pogosta īdzeivuotuoju portreti saplyust ar  desmit apleicīnis ainovu biļdem. Iz Drycānim dīnu pyrma izstuodis atkluošonys beja nūbraukuse ari Guna Igavena, kaba pasarunuotu ar muokslineicu – par izstuodi, Drycānim i juos kasdīnu, dzeivojūt uorpus Latgolys.   „Ideja, ka vajag pastuosteit par Drycanim, maņ roduos kūpā ar munu bejušū klasisbīdrini, ar kuru es kūpa vuicejūs Drycanu vydsškolā, Dianu Saksoni. Gribiejom koč kū cytaižuoku. Interesanti paruodeit Drycanu cylvāku nūvodam, bet muna tei īškejuo sajiuta, ka tys vaira del tuo vītejuo cylvāka. Ka jis īraudzeitu seve Drycanu vidē. Pasavērt iz seve nu molys i varbyut pat pasceit, ka nui, ir šmuki.” Tai aizvadeituo goda vosorā Lana suokuse dorbu pi izstuodis tapšonys. Tuos bildis, kurys nabeja izstuodē īguļs Drycānu pogosta foto arhivā. Lana niu jau aptyvai divdesmit godu dzeivoj Reigā. Jei struodoj sabīdryskūs attīceibu i marketinga sferā kulturys nūzarē, sovpus fotografeja ir breivuo laika nūdarbe, kuruos pamati īvuiceiti profesionalajā fotoškolā Reigā. „Es dīzgon bīžai ite asu i kovids ari deve maņ īspieju ite tai labi padzeivuot. Maņ Drycani ir vysod sirdī. Es asu pateiceiga tāvam i muotei, manī ir taida naizskaidrojama pateiceibys sajiuta itai vītai. Gribīs radeit. Atbraucu i maņ ir spors, idejis.” Izstuode „Es asu Drycani” iz prīšku byus apsaverama interesentim ari cytuos Rēzeknis nūvoda vītuos. {module widgetid="4" id="media" action="galleryitem" galleryid="1050" layoutid="49" layout="singlegallery" static=""}