le mealilo i le fua tele mai (The secret to fruitfulness)

OPEN HEAVENSMATALA LE LAGI MO LE ASO LULU 18 FEPUARI 2026(tusia e Pastor EA Adeboye) Manatu Autu: O le mealilo i le fua tele mai (The secret to fruitfulness)Tauloto Tusi Paia: Eperu 13:15 “O lenei, o ‘iā tatou te avatu so‘o ai le taulaga o le vi‘iga i le Atua, o le fua lea o tatou laugutu, o lo‘o fa‘afetai atu i lona suafa.”Faitauga - Tusi Paia:Mataio 21:18-22O ananafi na ou talanoa atu i le viiga e talaia faitotoa mo le faaeaina, e fai ma faataitaiga le olaga o Tavita. E te iloa o le inoino o Mekala i le vivii atu o Tavita na tapunia lona toala fanau? Afai e te naunau e fua tele mai le tele o vaega o lou olaga, aua e te inoino i le viiga. Aua e te manatu e le manaomia le viiga ma aua e te inoino pe a vivii isi tagata i le Atua. O nisi tagata e manatu o pese ma viiga i taimi o tapuaiga i le Ekalesia e lē taua tele, ma o lea e faatuai mai i le lotu sei uma lea vaega. O pese, viiga ma le tapuaiga o se vaega taua o le sauniga lotu. O le mea moni o nisi e maua a latou vavega i le taimi o pese ma viiga. Aua e te taofia ou faamanuiaga i lou inoino lea i pese ma viiga ma tapuaiga, e taua tele e le tatau ona e manatu mama iai. O tagata e lē fia vivii i le Atua, e leai ni fua i o latou olaga e pei o Mekala. I le faitauga mai le Tusi Paia o le asō, na fia ai Iesu ina ua foi mai Petania. Na ia vaai mamao atu i le mati, ma e latalata atu iai, o loo manatu o iai ni fua sei tali ai lona fiaai. Peitai ina ua oo atu i le laau, sa tele ona laulaau ae leai ni fua, ona ia fetuu ai lea o le laau. E ui e lei oo i le taimi e fua ai le mati, sa lei tuua iai e Iesu se avanoa, e leai sona fua e faamalie ai le fiaaai o lē na faia o ia, ona mate ai lea o le mati. O le tauloto mai le Tusi Paia o le asō, o le viiga o le fua lea o tatou laugutu, ma o loo fai mai ia tatou ofo atu i le Atua ia faifai pea. E leai se alofaga e le mafai ai ona e vivii i le Atua. E lei iai se tama a Elisapeta mo le tele o tausaga talu ona faaipoipo,  peitai e lei avea lea ma mafuaaga e lē vivii ai i le Atua, sa ia auauna ma le faamaoni ia te ia e ui e leai sana tama, sa savali i ana poloaiga ma tulafono ( Luka 1:5-7). O le vivii i le Atua o se tasi o ana poloaiga, ma e lē tatau ona tuuaia oe i le lē faia. E lei taofia e Iopu lona vivii i le Atua i le ogaototonu o le faulai o mea ua leiloa, na leiloa mea uma na ia maua seia vagana lona toalua i le aso e tasi, peitai sa ia  faamanuia i le suafa o le Alii ( Iopu 1:20-21). O le taui, na liliuina e le Atua lona tulaga ma faamanuia ia te ia e faaluaina mea na ia leiloa. Afai e te naunau e fua tele mai ma manumalo i soo se vaega o lou olaga, e tatau ona e faamaoni i le vivii i le Atua, e oo i le ogatotonu o faafitauli, e pei o Iosefatu, na vivii i le Atua e ui o loo siomia e ona fili ( 2 Nofoaiga Tupu 20:1-28). Le au pele e, afai e te ofo atu i le Atua le fua o ou laugutu e faifai pea, o le a e tofo i faamanuiaga e tele ma e fiafia i le fua tele mai i soo se vaega o lou olaga. O le vivii i le Atua o se mealilo malosi e maua ai le fua tele mai, i le suafa o Iesu, Amene.