L'editorial: -Asturies dende otru puntu vista- / Damián Barreiro: 'Lo propio xenera trabayu y ye una marca de calidá'

Güei nel nuesu programa entamamos col editorial que fai esta vegada Xose B. Álvarez col títulu: "Asturies dende otru puntu vista". El nuesu convidáu cimeru col que falaremos fonderamente ye l'escritor y periodista Damián Barreiro. La Conseyería d'Educación, Cultura y Deporte apurrió na Universidá d'Uviéu los cinco premios lliterarios n'asturianu que se convoquen añalmente coles mires de consolidar esta llingua como vehículu d'espresión lliteraria. El premiu Máximu Fuertes Acevedo d'Ensayu recayó en Damián Barreiro, pola obra 'Caleya Sésamu: el papel de la televisión na tresmisión interxeneracional d'una llingua'. Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... www.alderiquesdasturies.com