L'editorial:'Asturies,dizlo tol mundu'/Lucía Montejo-Podemos:'Pedro Sánchez dixo que retrucaría la carta'/Eonavia:Festas

Esta selmana nel nuesu programa radio vamos afondar en trés temes: -Entamamos col Editorial del Presidente d'Iniciativa pol Asturianu, Inaciu Galan, nel que reflexona alrodiu la conocencia qu'hai de la situación del nuesu idioma n'Asturies y el papel que xuega l'alministración nel so desenvolvimientu. -La diputada y vocera de la formación política Podemos nel Parllamentu asturianu, Lucía Montejo, fíxo-y entrega al llíder del Psoe estatal Pedro Sánchez d'una carta que-y escribió una muyer de Nava áu reclamaba la oficialidá del asturianu amás de criticar el tratu de la Fsa-Psoe pa cola nuesa llingua. Falaremos con ella de la reaición d'esti políticu madrilanu. -Pra rematar, é tempo da sección que femos da llingua del occidente d'Asturias, eonaviego ou fala, col noso collaborador Moisés Cima que mos cunta as festas nestas fechas nesa zona del noso país. Música: Trasmerana del Discu Lliendes (2006) del grupu asturianu Xera Igua: Adrián Gradín TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com