L'editorial con @inaciugalan / @IniciativaxAst tuvo na Xunta Xeneral d'ELEN con @xosebalvarez / Deprendi l'asturianu

Entamamos el nuesu programa d'esta selmana col Editorial de Presidente d'Iniciativa pol Asturianu, Inaciu Galán, qu'afonda nel pasu p'alantre a dar polos/es políticos/es qu'usaron l'asturianu y l'eonaviego nes sos tomes de posesión nes nueves corporaciones municipales elexíes el pasáu mayu. La Rede Europea d'Igualdá Llingüística (ELEN), de la qu'Iniciativa pol Asturianu ye entidá miembru, celebró la so Xunta Xeneral añal del 9 al 11 d'ochobre en Bucaresti, Rumanía, entamada pol Conseyu d'Aromunes, con delegaos en representación de los falantes de llingües minorizaes d'Europa, p'aldericar munches de les cuestiones vitales qu'afeuten a los sos idiomes y del llabor d'ELEN nel ámbitu local, nacional ya internacional. Ellí tuvo presente Xosé B. Álvarez que mos cunta fonderamente tolo que s'aldericó ellí. Pa rematar ye'l tiempu de la nuesa seición "Deprendi l'asturianu" cola nuesa mayestra Ana María Suárez que güei depréndenos l'usu de "daqué" y la pallabra "pescanciar" Música: Trasmerana del Discu Lliendes (2006) del grupu asturianu Xera Igua: Adrián Gradín TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com