L'editorial d'Inaciu Galán, Naciu Varillas fálanos del informativu n'asturianu na RPA y Antón Caamaño del día del teatru

Güei nel nuesu programa entamamos col editorial del Presidente d'Iniciativa pol Asturianu, Inaciu Galán, alrodiu la llei que se quier tramitar na Xunta Xeneral pa regular los medios de comunicación públicos n'Asturies. Darréu'l nuesu convidáu ye'l periodista de la RPA (Radio Autonómica d'Asturies) Naciu Varillas col qu'afondaremos nel entamu del primer informativu xeneralista na canal pública. Pa rematar, l'actor Antón Caamaño charra nes nueses ondes sobre'l Día Internacional del Teatru. TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen a la nuesa llingua. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes......