L'editorial: "El drechu a ser un ciudadanu más" / Ramón d'Andrés (FCyN): "L'asturianu sedrá oficial de xuru"

Nel nuesu programa d'esta selmana entamamos col Editorial del Presidente d'Iniciativa pol Asturianu, Inaciu Galán, qu'afonda nos drechos que mos asisten como ciudadanos/es. El nuesu convidáu de güei ye Ramón d'Andrés, profesor titular de Filoloxía Española y Asturiana na Universidá d'Uviéu, áu entamó a impartir la primer asignatura de Llingua Asturiana, amás de miembru numerariu de L'Academia (ALLA). Con él falaremos del so llabor como Presidente de la Fundación Caveda y Nava qu'el pasáu día 1 d’avientu del 2015 acordó poner puntu final a la so andadura como entidá de defensa de la llingua asturiana. Esti determín tomóse al entender que les circunstancies que xustificaron el crease camudaron sustancialmente, de manera que la so misión pue dase por cumplida, pues la so función dexó de tener el sentíu que tuvo nel so día. ---------------------------------------------------------------------------------- Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com