L'editorial:'¿Partíos pol asturianu?'/Jaime Bevan, cabezaleru de 'Cymdeithas' Gales/#TVnaRadio:Telenoveles/Deprendi:PA

Esti nuevu programa vien enllenu conteníos: -Entamamos col Editorial del Presidente de l'Asociación Iniciativa pol Asturianu, Inaciu Galán, que fai una reflexón alrodiu'l compromisu real de los partíos políticos pa col nuesu idioma asturianu. -Darréu sintimos una entrevista fecha pol nuesu collaborador Xose B. Álvarez en Cardiff, capital del País de Gales, con Jaime Bevan, cabezaleru de l'Asociación "Cymdeithas yr Iaith", defensora del idioma galés dende cuantayá, onde facemos una comparanza ente'l galés y l'asturianu nel so desenvolvimientu llegal y futuru. -Na nuesa seición habitual de #TVnaRadio , el periodista Damián Barreiro fálanos de les telenoveles y l'impautu que tienen nes estremaes sociedaes. -Pa rematar, la nuesa mayestra particular, Ana María Suárez cúntanos cómo se debe emplegar correutamente la preposición PA nel nuesu idioma. Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... www.alderiquesdasturies.com