L'editorial y Ricardo Chao de Faceira: "Tamos trabayando pol llionés y collaborando cola xente del dominiu llinguísticu"

El Conceyu d'Estorga en Llión y l'Asociación Cultural Faceira entregaron los gallardones del so primer Certame Lliterariu Astúrica, un premiu de rellatu y poesía qu'organicen dende les tierres llioneses con intención d'aportar a tol dominiu llingüísticu dende Asturies a Miranda del Douro. Ente los cinco ganadores d'esta primer edición, hai trés mozos y moces asturianes, Inaciu Galán, Naomi Suárez ya Irma González-Quevedo. P’afondar na conocencia d’esta entidá dedicada al estudiu, divulgación y protección del patrimoniu cultural, históricu y llingüísticu de Llión, tamos en contautu al traviés de la llínea telefónica con Ricardo Chao, secretariu de Faceira…. TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen a la nuesa llingua. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes......