Less Ego, more happiness.

လူတွေ မပျော်နိုင်ခြင်းရဲ့ အကြောင်းပြချက် တော်တော်များဟာ “အတ္တ” ကနေ တစ်ဆင့်လာပါတယ်။ အတ္တဆိုတာကတော့ လူတိုင်း မှာ ရှိတဲ့ စိတ်ခံစားချက်တစ်မျိုး ဖြစ်ပါတယ်။ အင်္ဂလိပ်လိုဆိုရင်တော့ Egoပေါ့။ မိမိကိုယ်မိမိ ရှေ့တန်းတင်တဲ့စိတ်၊ မိမိကိုယ်မိမိ အရေးပါချင်တဲ့ စိတ် တစ်နည်းအားဖြင့် မိမိကိုယ်မိမိ ဗဟိုပြုလည်ပတ်တဲ့ စိတ်ခံစားချက်လို့ ​ပြောလို့ရပါတယ်။အဲ့တော့ အတ္တက ကောင်းလားမေးရင် မကောင်းဘူး။မကောင်းပေမဲ့ အတ္တရှိတာ အပြစ်တော့ မဟုတ်ဘူး။ ပုထုဇဥ် လူသားတွေမိုလို့ ဘယ်သူမှအတ္တနဲ့ မကင်းနိုင်ကြဘူး။                                       ဒီနေ့အတွက်စကားအတိုင်းပါပဲ။အတ္တနည်းလေ၊ ပျော်ရွှင်လေပဲ။ ကျွန်တော်တို့ လူသားတွေဘာကြောင့် မပျော်ရသလဲဆိုတဲ့ မေးခွန်း ရဲ့အဖြေဟာများသောအားဖြင့် အတ္တကြောင့်ပဲ။အတ္တရဲ့အခြေခံသဘောထားတွေအရမိမိကိုယ်မိမိ အခွင့်ထူးခံလူသားတစ်ယောက် လိုပြုမူ​၊ တွေးခေါ်မယ်။ သိပ်ကို အရေးပါချင်တယ်။ ငါဟာ အမြဲ ပျော်နေသင့်တယ်၊ အမြဲ အဆင်ပြေနေသင့်တယ်၊ လူတွေက ငါ့ကို အမြဲ ဂရုစိုက်သင့်တယ်၊အကောင်းမြင်သင့်တယ်ဆိုတဲ့ အခွင့်ထူးခံစိတ်တွေ တွေးတတ်ကြပါတယ်။