Let go of the habit of not valuing time. Let go of the habit of making excuses. Let go of past failures.

အချိန်ကို တန်ဖိုးမထားတတ်တဲ့ အကျင့်ကိုထားခဲ့လိုက်ပါ။ အချိန်နဲ့ ပတ်သတ်ပြီး ဘယ်လိုခံယူချက် ရှိပါသလဲ။အချိန်ကို လေးစား မှုမရှိခြင်းက ကိုယ့်ဘဝအတွက် မကောင်းသော သက်ရောက်မှုတွေရှိနိုင်ပါတယ်။ ဒါ့အပြင် အချို့သောလူများက တစ်ခါတစ်လေ ကျရင် ချက်ချင်းထလုပ်သင့်တဲ့အရာမျိုးကို မလုပ်ပဲ အချိန်ရှိသေးတယ်၊ ညမှလုပ်မယ်၊ မနက်မှလုပ်မယ် စသည်ဖြင့်အချိန်ဆွဲတတ် ကြပါတယ်။ ဒီလို အကျင့်မျိုးရှိရင် ဒီနှစ်မှာပဲ ထားခဲ့လိုက်ပါ။ယနေ့ခေတ်မှာ ကြီးမားတဲ့ အောင်မြင်မှုကို ပိုင်ဆိုင်နေတဲ့သူတွေဟာအချိန်ရဲ့တန်ဖိုးကို သိရှိနားလည်ပြီး အချိန်ဆွဲတတ်တဲ့ အကျင့်မရှိပါဘူး။ ဒါကြောင့်တစ်စုံတစ်ခုကို လုပ်ရန်ဖြစ်စေ၊ တစ်ခုခုကို အစပျိူးတာမျိုးဖြစ်စေချက်ချင်းထလုပ်လိုက်ပါ။ ဘဝ တစ်လျှောက်လုံး အောင်မြင်မှုကို လိုချင်ရင် တစ်သက်လုံးလိုက်နာသွားရမယ့် အမူအကျင့်ပါ။                                                                                                                                                   ဆင်ခြေပေးတတ်တဲ့ အကျင့်ကို ထားခဲ့လိုက်ပါ။ တစ်ခုခုဆို ဆင်ခြေပေးတတ်တဲ့ အကျင့်ရှိပါသလား ဒါမဟုတ် တာဝန်ယူ ပြီးဆုံး အောင်လုပ်ပေးတတ်တဲ့ အကျင့် ရှိပါသလား။ ကိုယ့်ရဲ့အမှားတစ်ခုကိုဖြစ်စေ၊ အလုပ်တစ်ခုကိုပြီးမြောက် အောင်မြင်အောင် ဆောင် ရွက်နိုင်ခြင်း မရှိသည့်အခါဖြစ်စေ၊အကြောင်းပြချက်အမျိုးမျိုးနဲ့ ဆင်ခြေပေးခြင်းကိုရှောင်ပါ။ ကိုယ့်ရဲ့ အမှား၊ကိုယ့်ရဲ့ ကြိုးစားမှု လိုအပ်ချက်ကို မပြုပြင်ဘဲ ဆင်ခြေပေးတတ်တဲ့ အကျင့်ဟာလည်းဘဝတိုးတတ်အောင်မြင်ရေးကို ထိခိုက်စေတဲ့ကြီးမားတဲ့ အနှောင့်အယှက်တစ်ခုပါ။