Liene Skrebinska – latgalīšu volūda ir muna dzīdamuo volūda

Itūreiz pi myusu gostūs ir tradicionaluos muzykys dzīduotuoja, etnomuzike, ari muzykys grupys „SABIA” dalineica, jauna meitine ar cīši spieceigu i gūdeigu bolsu –  Liene Skrebinska. Niu, paraleli studejom Igaunejā, Tallinys akademejā, Lienei ir ari vairuoki muzykali projekti Latgolā i saisteibā ar latgaliskū. Lienei tyvs Latgolys teiciejis Domicellys Līpenis atstuotais muzykalais montuojums, kurā jei radz i jiut gaišumu i vīglumu. Janvara suokumā publicāta jauna Latgolys teiciejis Domicellys Līpenis sovulaik dzīduotuos dzīsmis „Zīmeņa” verseja, kuru Liene izpiļdeis ari sarunys laikā. Sovpus pārņ, decembra suokumā, topa jauna verseja dzīsmei „Soka Saule rītiedama” – ari veļtejums Latgolys teiciejai Domicellai Līpeņai. Sovu ceļu tradicionalajā muzykā Liene aizsuoce vēļ pyrmaškolys vacumā kai folklorys draugu kūpys „Vīteri” daleibneica, piečuok tradicionalū muzyku vuicejusēs Latgolys Muzykys i muokslys školā (tūlaik Juoņa Ivanova Rēzeknis muzykys školā) i niu studej Igaunejā, Tallinā. Ar Lieni ruosim par tradicionalū muzyku Latgolā i uorpus tuos rūbežu, teiciejim, nu kuru mums ir kū vuiceitīs, bolsu kai instrumentu, kai pošam sataiseit sovu kūkli, juos jaunuokajim muzykalajim projektim i daudzi kū cytu. .