लिम्बु: पान्थरे - "येशू: प्रभु र मुक्तिदाता".mp4

Limbu: Panthare - "Jesus: Lord and Saviour".mp4 // ᥇ ᤁᤥᤖᤴᤌᤡ 13 - ᤁᤧᤖᤧᤰᤏᤢ᤺ᤸᤗᤧ ᤕᤶᤒᤠ ᤐᤷᤎᤠ᤺ᤶ1ᤀᤡᤱᤃᤠ᤹ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤢ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤍᤠᤱᤜᤠ᤹ᤀᤥ ᤐᤠ᤺ᤳᤋᤠᤛᤠᤱ ᤀᤡᤱᤃᤠ᤹ ᤘᤣ᤹ᤜᤠ᤹ ᤗᤢᤱᤔᤠ᤹ ᤔᤧᤍᤢᤰᤋᤢᤱᤛᤡᤱᤅᤡᤴᤏᤧ ᤑᤠ᤹ᤃᤪ ᤀᤡᤱᤃᤠ᤹ᤃ ᤜᤕᤱᤁᤡᤸᤗᤡᤱ ᤁᤧᤈᤥ᤺ᤰᤐᤠ ᤕᤶᤒᤠ ᤁᤡᤱᤏᤠ ᤏᤢ ᤏᤡᤱᤎᤧᤴᤎᤧᤴ ᤁᤧᤔᤧᤵᤐᤠ ᤔᤢᤰᤗᤠ ᤁᤢᤀᤡᤛᤡ᤺ᤰᤗᤰ ᤐᤥᤱᤅᤠᤖᤥ॥  2ᤀᤡᤱᤃᤠ᤹ ᤔᤠᤱᤏᤡᤱᤘᤠ᤹ᤐᤠᤴ ᤐᤠ᤺ᤵᤔᤠ ᤐᤷᤎᤠ᤺ᤶ ᤁᤳᤋᤢᤱᤛᤠᤱ. ᤁᤧᤖᤧᤰ ᤛᤡᤃᤠᤱ ᤐᤠ᤺ᤴᤜᤠ᤹ ᤏᤢ ᤁᤧᤖᤧᤰ ᤏᤧᤜᤡᤏᤡᤱᤘᤠ᤹ ᤁᤢᤛᤡᤱ ᤏᤡ᤺ᤵᤔᤠ ᤛᤢᤰᤋᤢᤱᤛᤠᤱ. ᤜᤧᤰᤁᤩᤠᤱ ᤁᤥ᤺ᤰᤔᤠ ᤑᤠᤱᤈᤱᤜᤠ᤹ ᤆᤵᤔᤠ ᤏᤛᤠᤴ ᤁᤳᤋᤢᤱᤛᤠᤱ. ᤀᤡᤱᤃᤠ᤹ ᤘᤣ᤹ᤜᤠ᤹ ᤗᤢᤱᤔᤠ᤹ ᤔᤧᤍᤢᤰᤋᤢᤱᤛᤡᤱᤅᤡᤴᤏᤧ ᤑᤠ᤹ᤃᤪ ᤀᤡᤱᤃᤠ᤹ᤃ ᤌᤣᤀᤠᤱ ᤔᤧ᤺ᤴᤏᤠᤖᤥ॥  3ᤀᤡᤱᤃᤠ᤹ ᤁᤧᤖᤧᤰ ᤀᤠᤕᤠᤱᤛᤠᤁᤢᤴᤎᤣᤴ ᤕᤠᤱᤃᤧᤛᤠ᤹ᤒᤠᤜᤠ᤹ ᤜᤠ᤺ᤳᤋᤢᤱᤛᤡᤱᤛᤠᤱ. ᤏᤠᤛᤡᤱᤃᤧᤴ ᤀᤠᤎᤰᤁᤡᤴ ᤔᤡᤜᤠᤰᤁᤥ ᤕᤠᤰᤋᤢᤱᤛᤠᤱ. ᤀᤡᤱᤃᤠ᤹ ᤘᤣ᤹ᤜᤠ᤹ ᤗᤢᤱᤔᤠ᤹ ᤔᤧᤍᤢᤰᤋᤢᤱᤛᤡᤱᤅᤡᤴᤏᤧ ᤑᤠ᤹ᤃᤪ ᤌᤣᤀᤠᤱ ᤀᤡᤴᤎᤠ᤺ᤱ ᤔᤧᤄᤥᤛᤢᤱᤅᤡᤴᤗᤥ॥4ᤔᤡ᤺ᤶᤈᤡ᤺ᤸᤗᤧ ᤏᤠᤛᤡ ᤌ᤺ᤳᤋᤢ᤹ ᤜᤧᤰᤁᤩᤠᤱ ᤗᤢᤱᤔᤠ᤹ ᤋᤢᤰᤋᤢᤛᤡ᤹॥ ᤔᤡ᤺ᤶᤈᤡ᤺ᤸᤗᤧ ᤁᤢᤏᤠᤔᤧᤜᤧᤴᤏᤧᤴᤗᤥ. ᤀᤡᤱᤃᤠ᤹ ᤀᤣ᤺ᤰ ᤏᤢ ᤀᤠᤱᤍᤡᤱᤅᤠᤱ ᤔᤧᤗ᤹ᤏᤧᤴᤗᤥ॥  5ᤔᤡ᤺ᤶᤈᤡ᤺ᤱᤃ ᤔᤧᤜᤧᤴᤇᤡᤱᤅᤡᤴ. ᤀᤠᤒᤠᤅᤣ ᤀᤡᤴᤎᤠ᤺ᤱ ᤏᤢ ᤀᤠᤒᤠᤅᤣ ᤐᤠ᤺ᤴᤗᤰ ᤔᤧᤃᤥ᤺ᤳᤋᤢᤴ॥ ᤔᤡ᤺ᤶᤈᤡ᤺ᤱᤃ ᤜᤠᤖᤠ ᤁᤢᤛᤡᤰ ᤔᤧᤒᤥ᤺ᤰᤏᤧᤴ. ᤑᤧᤴ ᤐᤠ᤺ᤴᤜᤠ᤹ ᤏᤡᤱᤘᤠ᤹ᤒᤥ ᤔᤧᤕᤢᤰᤂᤢᤴ॥  6ᤔᤡ᤺ᤶᤈᤡ᤺ᤱᤃ ᤑᤧᤴ ᤐᤠ᤺ᤴᤜᤠ᤹ᤀᤥ ᤔᤧᤛ᤺ᤳᤏᤧᤴ ᤁᤖ ᤛᤧᤰᤂᤠᤀᤥᤖᤰ ᤛ᤺ᤳᤗᤥ॥  7ᤔᤡ᤺ᤶᤈᤡ᤺ᤸᤗᤧ ᤁᤧᤖᤧᤰ ᤐᤠ᤺ᤴᤜᤠ᤹ᤀᤥ ᤁᤢᤓᤠ᤹ ᤐᤡᤖᤢ᤹. ᤁᤧᤖᤧᤰ ᤐᤠ᤺ᤴᤏᤡᤴ ᤏᤛᤠᤴ ᤆᤥᤃᤢ᤹. ᤁᤧᤖᤧᤰ ᤐᤠ᤺ᤴᤏᤡᤴ ᤏᤡᤱᤛᤠᤱ ᤆᤥᤃᤢ᤹. ᤜᤧᤰᤁᤩᤠᤱ ᤁᤧᤖᤧᤰ ᤐᤠ᤺ᤴᤜᤠ᤹ ᤏᤠᤛᤡ ᤌ᤺ᤳᤋᤢ᤹ᤖᤥ॥8ᤔᤡ᤺ᤶᤈᤡᤴ ᤀᤠᤵᤑᤠᤸᤗᤧᤀᤠᤱ ᤔᤧᤏᤢᤵᤏᤧᤴ॥ ᤁᤖ ᤔᤠᤱᤏᤡᤱᤘᤠ᤹ᤐᤠᤴᤜᤠ᤹ ᤏᤢ ᤘᤣ᤹ ᤐᤠ᤺ᤴᤍᤠᤱᤜᤠ᤹ ᤏᤢᤵ. ᤜᤧᤰᤁᤩᤠᤱ ᤏᤧᤜᤡᤏᤡᤱᤘᤠ᤹ᤀᤡᤴ ᤔᤠᤒᤣ᤺ᤰᤗᤥ॥  9ᤀᤠᤏᤡ᤹ ᤔᤡᤛᤠᤰᤗᤰ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤗᤥ. ᤜᤧᤰᤁᤩᤠᤱ ᤀᤠᤏᤡ᤹ ᤔᤠᤱᤏᤡᤱᤘᤠ᤹ᤐᤠᤴ ᤔᤡᤛᤠᤰᤗᤰ ᤀᤠᤒᤠ᤺ᤳᤋᤢᤶᤗᤥ॥  10ᤁᤖ ᤁᤢᤗᤡᤱᤍᤥ ᤁᤧᤃᤧᤵᤐᤧᤴ ᤋᤠ᤺ᤸᤗᤧ ᤁᤢᤗᤡᤱᤍᤥ ᤔᤧᤱᤃᤧᤵᤔᤏᤠᤒᤠᤴ ᤔᤠᤒᤣ᤺ᤰᤗᤥ॥11ᤀᤡᤱᤃᤠ᤹ ᤜᤡᤴᤈᤠ᤹ ᤘᤕᤠᤱᤅᤡᤸᤗᤧ ᤜᤡᤴᤈᤠ᤹ ᤁᤢᤀᤡᤛᤡ᤺ᤰᤁᤣ ᤐᤠᤖᤠᤱ. ᤜᤡᤴᤈᤠ᤹ ᤁᤢᤀᤡᤛᤡ᤺ᤰᤁᤣ ᤁᤢᤛᤡᤱ ᤏᤡ᤺ᤳᤋᤢᤱ. ᤜᤡᤴᤈᤠ᤹ ᤁᤢᤀᤡᤛᤡ᤺ᤰᤁᤣ ᤀᤡ᤺ᤳᤋᤢᤱ. ᤁᤖ ᤀᤡᤱᤃᤠ᤹ ᤌᤠᤱᤒᤧᤴ ᤁᤧᤖᤠᤱᤅᤡᤸᤗᤧ ᤜᤡᤴᤈᤠ᤹ᤒᤠ ᤐᤠ᤺ᤴᤜᤠ᤹ ᤗᤧᤖᤢᤱᤍᤣᤛᤢᤱᤗᤥ॥ 12ᤀᤠᤸᤗᤥ ᤀᤠᤏᤡ᤹ᤃ ᤏᤢᤖᤡᤰ ᤔᤧᤴᤎᤠ᤺ᤵᤔᤏᤠᤒᤠ ᤛᤧᤸᤗᤧᤱᤄᤥ ᤀᤠᤏᤡᤛᤢᤶᤒᤠ ᤜᤧᤰᤁᤣᤖᤰ ᤀᤠᤏᤡᤛᤢᤶᤗᤥ. ᤁᤖ ᤂᤧᤴ ᤕᤧᤶᤔᤥ ᤆᤡᤍᤢᤵ ᤀᤠᤏᤡᤛᤢᤶᤗᤥ॥ ᤀᤠᤸᤗᤥ ᤀᤡᤱᤃᤠ᤹ ᤔᤡᤛᤠᤰᤗᤰ ᤁᤢᤛᤡᤱ ᤏᤡ᤺ᤳᤋᤢᤱ. ᤁᤖ ᤂᤧᤴ ᤕᤧᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤁᤢᤛᤡᤱ ᤏᤡ᤺ᤳᤋᤠᤒᤠ ᤜᤧᤰᤁᤣᤀᤣ ᤀᤡᤱᤃᤠ᤹ᤀᤠᤱ ᤁᤠᤰ ᤐᤠ᤺ᤴᤏᤡᤴ ᤛᤖᤰ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥13ᤀᤠᤸᤗ ᤏᤛᤠ᤺ᤴ. ᤏᤡᤱᤛᤠᤱ ᤜᤧᤰᤁᤩᤠᤱ ᤔᤡ᤺ᤶᤈᤡ ᤁᤴ ᤛᤢᤶᤛᤡ ᤐᤠ᤺ᤴᤜᤠ᤹ᤖᤰ ᤘᤠ᤹ ᤕᤠ᤺ᤰᤗᤥ॥ ᤁᤖ ᤂᤧᤱᤜᤠ᤹ᤀᤥᤃ ᤔᤡ᤺ᤶᤈᤡᤴ ᤁᤠᤰᤏᤢ᤺ᤸᤗᤧ ᤕᤶᤒᤠᤖᤥ॥