Literate Ilze Sperga i juos “Breiveiba”

7. decembrī Rēzeknē i tīšraidē škārsteiklā nūtyka literaruo konkursa “Latgolys prozys skaitejumi 2023” nūslāguma pasuokums “Proza i karbonadis”, kas beja vīns nu literaturys festivala “Prozas lasījumi” nūtikšonu. Ituo gods konkursā vysu leluokū žurejis punktu skaitu sajēme i par lobuokū tyka atzeits literatis, literaturzynuotneicys Ilzis Spergys stuosts “Breiveiba”. Pīduovojom pasaklauseit Ilzis komentaru par stuostu i raksteišonu, kai arī fragmentu nu autoris skaitejuma. Pylnū Ilzis Spergas stuosta “Breiveiba” skaitejumu vaicojit latgalīšu kulturys ziņu portalā lakuga.lv i jūs youtube kontā. Taipat tī byus vareiba dzierdeit arī ūtruos vītys īgiviejis Vitys Briškas  stuostu “Kolteņa teiksmainais CV”, trešuos vītis īgiviejis Sarmeitis Trūpys stuostu “Par gūvi i marcipanu” i “Par zyrgimi uobelim”, kai arī atzineibys sajēmēju  - Ilzis Aizsilys i Dāvida Rubena skaitejumus.