流氓阿德變彌勒佛——聲帶重生的金曲靈魂

來賓: 流氓阿德 / 歌手、主持人 《台灣夜市》台語歌王流氓阿德專訪下集，分享伊聲帶重生的感動故事，這是伊聲帶手術後的回歸之作。阿德坦白講，因為聲帶手術，予伊煩惱無法度閣再唱歌。重新轉去錄音室唱出第一句歌詞 ，聲音狀態竟然遮爾媠，有影有一種「頭過身就過」的狀態，順利完成專輯製作。 節目焦點嘛囥佇阿旻邀請德哥製作食食音樂《台灣第一味》，因為點蚵仔麵線欲摻芫荽（香菜）無，所製作的歌曲，嘛用布袋戲「蘆洲大滷俠」、「苦海女神湯」，這兩个角色呈現歌曲，最後唱出愛是正港台灣第一味。阿德嘛講過去的流氓氣已經較溫柔，笑講：鱸鰻這陣已經變彌勒佛矣啦！