លោក ហ៊ុន សែន ប្រាប់​នាយករដ្ឋមន្រ្តី​កុំ​ឱ្យ​ទិញ​ទំិនិញ​យុទ្ធសាស្រ្តបី​យ៉ាង​ពី​ថៃ

កាលពីព្រឹកថៃ្ងព្រហស្បតិ៍ ទី៣ ខែកក្កដា ឆ្នាំ២០២៥ នេះ លោក ហ៊ុន សែន ប្រធានគណបក្សប្រជាជនកម្ពុជា ដែលកំពុងដឹកនាំប្រទេស បានប្រកាសប្រាប់ទៅនាយករដ្ឋមន្ត្រីកម្ពុជា លោក ហ៊ុន ម៉ាណែត ដែលជាកូនរបស់លោកថា ទៅថ្ងៃខាងមុខ ទោះបីជាថៃ ព្រមបើកព្រំដែនឡើងវិញ និងចរចាត្រូវរ៉ូវគ្នាឡើងវិញក៏ដោយ ក៏កម្ពុជាមិនត្រូវទិញទំនិញយុទ្ធសាស្ត្រ ៣យ៉ាងពីថៃឡើយ។ នោះគឺកម្ពុជា មិនត្រូវទិញភ្លើងអគ្គិសនី សេវាអ៊ិនថឺណេត និងប្រេងឧស្ម័នពីប្រទេសថៃឡើយ។ ការប្រកាសលោកហ៊ុនសែនបែបនេះ គឺដើម្បីបង្ការនាពេលខាងមុខ បើសិនជាមានបញ្ហាជាមួយគ្នា នោះថៃនឹងគំរាមកំហែងដល់កម្ពុជាលើទំនិញទាំង ៣ប្រភេទនេះទៀត។