路易士的音樂漂流：阿爸出家 南非囡仔台灣佛光山成長

來賓：弄舌歌手路易士 《台灣夜市》邀請南非弄舌歌手路易士（Louis），伊毋但是音樂創作人，閣是一位橫棍仔藝術家。路易士分享伊的音樂風格、創作歷程，閣有佇台灣成長的經驗，嘛分享伊上新專輯《地球儀》的創作靈感。 路易士的故事充滿傳奇性，伊佇南非出世，老爸是奧地利人，阿母是南非人。8歲彼年，伊隨老爸來台灣，閣佇佛光山長大。這款成長背景予伊對文化有足無仝款的接觸，伊的音樂創作融合英語、華語，希望未來挑戰台語以外，嘛欲挑戰泰語，展現多元文化交融的特色。 路易士講著伊上新專輯《地球儀》的創作理念，伊講：這張專輯毋但是伊音樂成長的記錄，也是對人生經歷的回顧。伊的歌內底充滿自我探索的情感，對過去身分認同的痛苦，到今仔日揣著定位。伊認為音樂是表達情感上好的方式，透過旋律佮歌詞，傳達內心上真的感受。 路易士講著老爸對伊人生的影響，老爸選擇出家，這个經歷予伊對人生價值有進一步的思考。伊坦白講，這陣上大的牽掛，就是老爸的身體。路易士嘛講佛教對伊影響真大，伊捌創作《做伙來學佛》，希望透過音樂來傳遞正向能量。伊認為，音樂毋單單是娛樂，也是精神的寄託。