“Maltese Corner” f’Mackay: Ġieħ lill-Pijunieri Maltin fl-Awstralja

Il-wirt għani tal-komunità Maltija f’Mackay fi Queensland ġie ċċelebrat bl-għarfien uffiċjali tal-Maltese Corner, monument permanenti fi spazju pubbliku li jagħti ġieħ lill-komunità Maltija pijuniera li għenet fl-iżvilupp tar-reġjun.Il-kxif uffiċjali tal-monument sar is-Sibt, 18 ta’ April 2026, fil-kantuniera ta’ Wood u Victoria Streets, Mackay post magħruf għal ħafna snin bħala 'Maltese Corner'. Il-proġett jirrikonoxxi l-kontribut kbir li l-immigranti Maltin taw lill-iżvilupp soċjali, kulturali u ekonomiku tal-belt. Għal għexieren ta’ snin, din il-kantuniera kienet post ta’ laqgħat fejn il-Maltin kienu jinġabru biex jitkellmu dwar xogħol u negozju, jaqsmu ideat, stejjer u ħbiberija.