Manda ! #4 – 19 de genièr 2026

Voici le 4ème numéro de Manda ! Solide ! lo quatren numerò es en linha sur Radio Larzac   « Pas de truc, pas de patac ; Escotatz Radio Larzac ! » Intro Djé Balèti – Manda lo batèu (live) Djé Balèti de Nissa – Manda lo batèu entemena la quatrena emission de Manda. Primièra de dos mila vint-e-sièis (2026). Coma a l’acostumada sèm totes dos, Celian e Domenge per animar aquela emission que se sòna : Una emission d’una ora en occitan e en catalan amb d’unes tròces de cultura mediteranenca, de Ròck, de Punk, de Jazz, de Ukulele. GUGUG The Stranglers – (Get A ) Grip (On Yourself) Encara un tròç del grop Escossés GUGUG Gus & Fin, que s’atissan a far d’omenatges a la musica de lor joventut, es a dire de musica punk, çaquela es pas segur que Los Stranglers siagan francament una formacion punk, mas de l’epoca meteissa e lor caminament èra parallèl. Per l’emission de duèi avèm : Lo vocabulari, lo rendetzvos d’Eric que vos potoneja dempuèi Sant-Peire de la Faja sul Larzac. La recepta : de topina, de mangiscla, amb la cultura occitana tan coma catalana cal totjorn parlar de manjar, donca una recepte tipica, pas cara, simpla que simpla, de topina d’en cò nòstre : « las entilhas ». Un acaissal jazz amb Thelonious Monk (Live in Tokio) La tematica a l’entorn d’un pichon nom : Catarina dins sa version trista puèi empebrada. La cançon revirada per la seconda version. Vocabulari Ma sorcière bien aimée – Générique E ben vaquí l’ora de la bofiòla d’Eric sus lo vocabulari, per lo mes de Genièr es lo vèrb Borrar dins sas accepcions divèrsas…. Borrar JDD Ràdio Larzac Las entilhas Recepta tirada del libre de Jòrdi Girard, lo nòstre felibre. Lo Milhautenc a taula Papeta disià : « Enfants, volètz d’argent tota l’annada ? Manjatz d’entilhas pel primièr de l’an !» Aquí çò que fasià mameta : per los sieis aganits, vojava una liura d’entilhas plan triadas e netejadas dins un topin a mitat plen d’aiga freja. L’i fasià prener un bòlh (detz minutas). D’aquel temps, fasià coire de codenas, rascladas a cau, dins un pauc d’aiga perfumada amb una fuèlha de laurièr, de fribola, de ceba e un clavèl de giròfle, sens oblidar un gran d’alhet. A son grat salava e pebrava. Pièi, escampava l’aiga del topin e vojava las entilhas dins las codenas a mitat cuèchas. Finissiá per un rajolet d’òli. Alara, plan acaptat jos la cabucela, a pichon fiòc, tot aquò confisiá doçamenton. Al cap d’una oreta, podià sonar son monde. E podètz creire qu’en s’ataulant totes salivejavan. E la vòstra mameta, cossí fasiá ? Benlèu, metiá de costilhons o la coèta del pòrc… Volètz d’argent per l’annada ? Fasètz çò-meme ! E ara, bona annada, granada, accompanhada de fòrças maitas ! E se non siam pas mai, que non siaguem pas mens ! Per sièis personas : 1clavel de giròfle 500 gramas d’entilhas 150 gr de codenas de pòrc o la coeta 1 ceba 1 fuèlha de laurièr 1 branca de fribola 1 clavèl d’alhet Sal e pebre. Thelonious Monk En mil nou cent setant’un (1971), l’ostal d’edicion Japan’s Express engatja Thelonious Monk per sortir lo disque «Monk in Tokyo» amb un quartet novèl compausat del saxophonista Paul Jeffrey, lo bassista Larry Ridley, e a la battariá Lenny McBrowne sus un costat, e amb Toshiyuki Miyama & His New Herd Orchestra de l’autre costat. Mai d’aquò, engatjet lo saxophonista Pat Patrick e lo filh Thelonious, Jr. per son quartet. Monk defuntèt en 1982. Thelonious Monk – Bemsha Swing (Monk In Tokyo) Catarina lavava, Katrina bufava Jol pont de Mirabel Catarina lavava. Venguèron a passar Tres cavaliers d’armada. Lo primier li diguèt : « Non sètz pas maridada ? » Lo segond li donèt Una polida baga. Mas la baga del det Tombèt al fons de l’aiga. Lo tresen sautèt Faguèt la cabussada. Mas tornèt pas montar Non trobèt pas la baga. Jol pont de Mirabel Catarina plorava. Tres òbras a l’entorn del pichon nom Catarina, un que lavava, l’autra mai irosa que bufava… Jol – Pont de Mirabel per Lou Dàvi CXK – Jol Pont de Mirabèl Black lips O Katrina (Banda originala de Scott Pilgrim) O Katrina Ò Catarina [Verse] O Katrina why you gotta be mean? You saw a highway down in New Orleans I can’t believe what I saw on the TV screen O Katrina why can’t you be serene? [Chorus] O Katrina! (O Katrina!) O Katrina! (O Katrina!) O Katrina! (O Katrina!) Why you gotta be mean (O Katrina!) Why you gotta be mean Ò Catarina per què siás venguda missanta ? As vist l’autopista entrò New Orleans Non pòdi creire çò qu’ai vist a la Tele Ò Catarina per què podes pas demora suava ?[Chorus] Ò Catarina ! (Ò Catarina) Ò Catarina ! (Ò Catarina) Ò Catarina ! (Ò Catarina) Ò Catarina per què siás venguda missanta ? (Ò Catarina) Per què siás venguda missanta Scott Pilgrim vs The World Soundtrack – O Katrina ! Ma Jòia – Brama Ma jòia del grop Brama, de Clarmont d’Auvèrnhe, an fach una emission completa a France Musique, dins l’emission Ocora especializada dins las musicas tradicionalas. Un grop de seguir que met un suènh a servar la lenga coma cal. Solide qu’es en Nòrd-Occitan, (lemosin, auvernhat) aquèl engatgament es plan evident dins l’entrevista donada. Son los dos Simon Guy e Paolo Gauthier qu’escrivan las paraulas e de còps fan descobrir de poèmas de lor professora e vesina Dominique Decomps (professora de lemosin). Ma Jòia – Brama Aquí metrai ma jòia E l’i perdrai lo meu temps Aquel ostal non es meu A la pica dau jorn Me breça e me marmusa La nuèch qu’un m’emportarà Simon Guy – guitarra e cant Paolo Gauthier – battariá e cant Baptiste Lherbeil – vièla de rodaAmandine Pauvert – vièla de roda, cant Anthony Miranda – bassa e cant Brama – Ma Jòia https://www.radiofrance.fr/francemusique/podcasts/planete-ocora/du-rock-en-occitan-avec-le-groupe-brama-7238717 Lo concèrt dins lo desquet (Tiny Desk Concert) Ca7riel e Paco Amoroso, a la debuta un duo de trap experimental d’Argentina Catriel e Ulysses Guerriero qu’an amassada una banda de musicaires dels bons que te menan un ambient que l’exentricitat e lo calucitge se mesclan. Lor passatge a l’emission Tiny Desk Concert de tant qu’èra decabestrada es venguda una ersa virala dins lo monde entièr de mercés a YouTube. Una pichona explica sus çò qu’es Tiny Desk Concert es una emission de NPR (National Public Radio), dels Estats Units una radio al encòp publica e sostenguda per son public. L’emission convida de grops de musica d’artistes solo de tota mena per far un concèrt dins un desquet (DeVO, David Byrne, Taylor Swift,… e de desconeguts), un pichon burèu ont i a pas gaire de plaça per los musicians encara mens per lo public. Doncas lo Tiny Desk del 4 d’octobre 2024 faguèt espellir e descobrir Ca7riel e Paco Amoroso al monde entièr. CA7riel e Paco Amoroso – Tiny desk concert – Dumbaï Calendièr Lo VRAC, veirina regionala d’art contemporanèu, ten una mòstra de Luc Aussibal, Ponchas d’Agach, Luc que fan tanben tindar la lenga nòstra dins sas cançons, que bota en musica los tèxtes de Jaume Privat, ven nos far omenatge de nòstra Poncha d’Agast a nautres. Plan de l’Oliu o de l’olivièr, o plan de l’Anciana Comuna, dins l’ostal de Tauriac. Recaliu cors de lenga pels començaires e confirmats al Fogal La Capela, dimècres 14 de genièr puèi lo 28 de genièr a quatre oras del vèspre pels començaires, a cinc oras e mièja pels desgordits. Quicòm me ditz que i aurà un entrainament per preparar la dictada occitana. Cada setmana lo dimars lo talhièr Claudi Peiròt se remosa al local de la SEM (Societat d’Estudis Milhaugués), son local qu’es passat Carrieira de la Condamine. A Milhau. A tres oras del vèspre, de l’aprep-mièjorn, de la temtossada, del tantòst, coma volètz, d’al moment que a tres oras. Lo Festenal de La Musa a menada son amassada generala la setmana passada a la comuna de Castelnau-Pegairòls, seguit d’un repais al restaurant Lo Griffol. Per manca d’astre l’emission serà difusida lo diluns d’après. Lo Caylar l’associacion LARZAC VILATGE D’EURÒPA, cada primièr dijòus del mes organiza un cafè occitan, Al Cailar doncas lo 8 de genièr. Lèu a l’ostal de la region, plaça de la Capela, una exposicion sus Ives Roqueta se tendrà, après la de Max Roqueta per comemorar lo detzenari de sa despartida. Ne vos parlarem. FIN 0Cowboy Bebop – Bad Dog No Biscuits Vaquí que s’acaba Manda ! de pas doblidar lo mes de Genièr es lo mes de la dictada, una ocasion bèla de se retrobar per una vesprada festiva, un pichon despertin amb los amics per doblidar/eissublar lo freg e la cisampa.