Manda ! #8 25 de mai 2026

MANDA ! 2026.05.25 1-intro 01-Falling Elevator-MC900 Ft Jesus Lo “Manda !” de mai es un pauc tardièr e per los afogats que nos espèran cada diluns matin a detz oras, e ben, vaquì avèm pres un pauc de libertat sus lo calendièr, e nos desencusam. À ! lo bel temps de mai amb sos ponts dimenjadièrs. Los rendètz-vos de las amassadas generalas de las associacions occitanas, la correguda per la subrevida de la lenga occitana en debuta del mes tot aquò nos ten fòrça ocupats. pad_Manda_solet.mp3 E aquela divenca emission de radio que vos agrada tant. Celian es pas mai amb nosautres que son servici civic s’es acabat en debuta de mai, mas la partida catalana se perseguirà e auretz de nòvas tre que la sason venenta serà en mestièr. pad_Manda_solet.mp3 pad_Mura Masa – Deal Wiv It.mp3 Per l’emission de duèi avèm : Lo vocabulari d’Eric que nos tòrna de La Passem, e que nos ditz totes los noms per correguda en occitan e n’ai fòrça. Nos fa descobrir lo tèrme “Foligaud o foligauda per una correguda” e de mai encara. La recepta de topina La mitan de l’emission consacrada al Jazz amb un estandard Harlem Nocturne. La cançon traducha serà una cançon catalana dins la pura tradicion del ska catalana. Dins la meteissa veina un grop catalano, bresilian, e benlèu francés pad_Andiamo.mp3 01b-You’re gonna miss me-13th floor elevators La tematica del montadavala : après aver ausit Falling Elevator- de MC900 Ft Jesus, vaquí You’re gonna miss me per Thirteenth (13th) floor elevators, elevators / montadavala, l’avètz ? 2 Vocabulari 02a-Ma sorcière bien aimée – Générique Lo vocabulari de nòstre amic Eric que s’es tornat de la correguda de la Passem. Alara cal parlar un pauc de La Passem. La Passem es una correguda per salvagardar la lenga occitana, la lenga occitana de Gasconha primièr mas aprofiècha a tot l’ensemble occitan. L’idèa d’una correguda nos es venguda d’una iniciativa dels bretons que son en poncha dins la mobilizacion e l’abrandiment per las lengas minorizadas. Doncas 02b-correguda 3 Topina pad_Quante regal.mp3 Las Crespinetas Recepta de Sant Amans Soult a costat de Mazamet, per uèit personas Faire coire los pès, tres oras dins un bolhon plan fòrt (frigola/fribola, laurièr). Desossar los pès encara cauds. Ajustar tan de carn de salsissa coma de carn de pès. Salar, pebrar, persilhar e mesclar. Far de bòlas, pla estropadas dins la crespina, las metre dins un plat en terra qu’ane al forn e onchar lo fond. Ajustar las trufas. Far coire al forn una ora, a fuòc redusit, las daurar de cada part. Acompanhar amb de castanhas e de ceps rescalfats sus las crespinetas. Uèch pès de pòrc partejats pel mièch. Quatre cents gramas de carn de salsissa. Una crespina de pòrc. Sal, pebre. Una brava persilhada (facha a la man al ponhal). Uèch trufetas (de la talha d’un uòu) Una manada de castanhas bolhidas e una manada de ceps cuèches a la padena. 03-NARNIAC Musique officielle – Les Kassos Un pauc de relaxacion, plan canissa, una musica toxica topinada per los bretons. 4 Jazz : Harlem Nocturne La palancassa de Jazz, qualques tròces de jazz encadenats segon una tematica, mai o mens coërenta. Duèi se tracta de Harlem nocturne es un estandard de Jazz de 1939 compausat per Earle Hagen amb paraulas Dick Rogers per lo Ray Noble orchestra. Coma es un estandard un fais de musicians se son entrachats de lo cobrir coma se ditz. Mas cabuçèm pas encara dins lo tèma, nos cal presentar lo grop The Lounge Lizards 04a-Dutch Schultz (Berlin 1981) – The Lounge Lizards 04b-Harlem Nocturne-Loung Lizards 04c-Harlem Nocturne-New York Ska Jazz Ensemble  »Harlem Nocturne » estandard de 1939. Totjorn un pauc de ska en catalan aqueste còp… 5 Cançon traducha o revirada Dr Calypso ska catalan 05-Brigadistes Intenacionals – Dr Calypso Tu ja saps, no es un conte ni un somni tampoc La veritat és ja història i un trist record Milers de joves vinguts per a un motiu ben clar Intentar vèncer l’imperi del terror i la porUna espurna de llum per vencer la foscor Una espurna de llum per vencer la foscorVoluntat contra bales i foc dels canons Aturar tropes d’infàmia i humiliació Homes i dones de més de 50 origens diferents Tots fent força sota la frase del « No pasarán » Del 36 al novembre de l’any 38 Brigadistes internacionals I una espurna de llum per vèncer la foscor I una espurna de llum per vèncer la foscor Del 36 al novembre de l’any 38 De Terol a Belchite, Jarama i front d’Aragó A vora de l’Ebre que hi van deixar la pell Tots aprenents per a una futura guerra mundial Del 36 al novembre de l’any 38 Brigadistes internacionals Vingueren del món amb bona voluntat Txecs i gal.lesos i australians també Xipriotes, egipcis i algerians S’aplegaren els ianquis amb alegres cubans De la freda escandinàvia fins els mexicans De la Brigada Lincoln a la Thaelmann Tots fent força sota »no pasarán » Tots fent força sota »no pasarán » I una espurna de llum per vèncer la foscor I una espurna de llum per vèncer la foscor I una espurna de llum per vèncer la foscor I una espurna de llum per vèncer la foscorTu o sabes ja, es pas un conte ni un sòmi tanpauc La vertat es ja istòria e un triste recòrd Milièrs de joves venguts per un motiu ben clar Temptar de véncer l’empèri de la terror e la paurUna beluga de lum per véncer la foscor Una beluga de lum per véncer la foscorVolontat contra balas e fuòc dels canons Aturar tropas d’infamia e d’umiliacion Òmes e femnas de mai de cinquanta originas diferentas Totes fasent pinha sos la frasa del “No pasaràn“ Del 36 de novembre de l’an 38 Brigadistas internacionals E una beluga de lum per véncer la foscor E una beluga de lum per véncer la foscor Del 36 de novembre de l’an 38 De Teròl a Belchite, Jarama e frònt d’Aragon Alara de l’Ebre qui i daissèron la pèl Totes aprenents per una futura guerra mondiala Del 36 de novembre de l’an 38 Brigadistas internacionals Venguèron del monde amb bona volontat Chècs e galleses e australians tanben Chipriòtes, egipcians e argerians S’amassèron los Ianquis amb de cubans joioses De la freda escandinavia fins als mexicans De la Brigada Lincoln a la Thaelmann Totes fasent fòrça jos la frasa del “No pasaràn“ E una beluga de lum per véncer la foscor 6 Les Rencards – Pas de coeur 06a-Pas de Coeur-Les Rencards Tè, totjorn en seguida, un grop de ròck que tomba plan dins l’esperit “Manda !”, l’avèm descobèrt al festenal Marveloze lo g-onze de julhet de l’an passat doncas a Maruejòls. Merli Marlowe la cantaira que ten un carisme incredible e per d’unes còps fa pensar a un crosament de Nico del Velvet Underground amb Jacqueline Taièb la cantaira franco-tunisiana de las annadas sesenta, se ditz qu’es catalana, lo grop : guitarra Marc Argenter, bassa Gabriel de Camargo, bataria Ian Kay. 06b-Sept heures du matin – Jacqueline Taïeb 7 Enric Terral Los Gantias Los Gantias (primièra partida) Cal que vos raconta la vida De gens que la fortuna oblida D’aquèl monde de feniants Emploiats a copar de gants Ieu ne soi d’aquela canalha Que dins la setmana trabalha Lo mai cinc jorns sens deròcar Que s’òm vòl trobar cal cercar Pas a l’ostal de la Querbessa Mes a l’ostèl de la Charlessa, De Vilaret aquí veiretz Se nautres o cedan en res A-n-aquelas personas richas Que manjan de fesans, de bichas Que pudon sobent a relais Que vau faire a-n-aquela taula : Aquí, la paura cagaraula Vendrà pas gaire banejar Las levadas pòdon pas far, Lo fetge non plus. Per intrada, Amb d’aurelhetas aprestadas Una polarda aparestrà Après ela, de que vendrà ? Canards, polets, en sauça, o a l’aste, E de crenta qu’aquó refasta Lo vin del pus riche malhòl Nos rinçarà lo gargalhòl. Tot aquò enterrat, alara Creses que n’ an van ? … Pas encara Çò melhor n’es pas arribat, Poirètz enfin L dins un lòng plat, Las quatre patas alongadas E lo doas aurelhas copadas, S’installa un supèrbe animal D’ont van faire nòstre regal Lo pus abile pren la pèça E coma la pèl la despèça, Cada gantièr pesca un talhon Mes jamai deguns diriá pron ! E las siètas son tant fretadas Que pareisson desvernissadas Après la lebre van manjar Dins lo but de nos netoiar Una bèrda e tendra ensalada Pel plus pangossiós preparada Un pan de formatge, de fruits Quauquas ametlas, de biscuits E puèi beurem lo pichon veire !… Mas portant, cal ben descarrar. E vesètz partir la tròpa Quand la luna a quitat sa rauba Per parèstre nuda al regard. Alara los uns sens retard Van se cochar, d’autres se borran, Los pus ibronhasses s’enforran Dins un cafè, per acabar Amb de bièra de s’assomar. Lo dimars qual se lèva ? Es uèch oras, lo sòm nos creba A nou, n’avèm pas Mas detz “car uèi es mercat” Lo lòng del Cobèrt de la Plaça Tota la banda se ramassa Van beure lo Cliquen, l’abbé Lo sera, nos cal lo cafè E quand avèm fach la partida Çò que jamai deguns oblida Un, tot en se grifant los uèlhs Va metre a l’umide de pels L’autre va colar de forquetas Tot en fumant de cigaretas Dos jògan de litres al piè La flemma es tot dins l’atalhièr Que n’anam abant sièis oras “E tu, mon chèr, de desonoras Se sessas pas de trabalhar Veses, en m’en anèm crostilhar, Mon comissari que s’avança Una carta a la man, d’avança Devinhi qu’un collèga es mòrt, E tot en deplorant son sòrt Pense qu’aqueste camarade Farà perdre mièjajornada. Fin de la primièra partida. 8 Ukulele o pròche De musica hawaiana, festiva e risolièra de las annadas quaranta, Spike Jones e sa formacion The Wacky Wacky band que se pòt comprendre coma lo grop de pacotilha, de tòc e de bròc. Me semble que n’i a un autre nom Spike Jones and The City Sleekers. Podèm pensar qu’es una musica cartonesca per que fa pensar sul pic a d’animats. Puèi farem seguir lo tròc Le Taxidermiste de Tony Truant, que l’ai conegut coma lo guitarrista del trio de Rouen (Roanés) The Dogs. Es fòrça presat per lo mitan ukuleleista coma un brave musician d’aquel instrument, lo morcèu Le Taxidermiste ten una bona plaça dins la sanflorada d’estandards de ukulele francés. 08a-Hawaian War Dance – Spike Jones and The Wacky Wacky band 08b-Le Taxidermiste-Tony Truant 9 Pere Ubu – Non Alignment Pact Pere Ubu un grop de Cleveland que en 1975 prefigura lo punk, son un pauc los aujòls del movement punk. Fins a 2017 son encara actius, pr’amor que lor darrièr album data de 2017. 09-Non Alignment Pact-Pere Ubu 10 Calendièr 10-La Séquence du Spectateur Lo dissabte 6 de junh a Ròcatalhada, a partir de 16h o 4 oras del vèspre, Lo talhièr de cant Festenal de Val de Musa, que coneissèm plan aquí a Manda ! cantarà. Mas avans lo Marcon, Marc Veissières, vos farà visitar lo vilatge e vos agradarà de sos comentaris assabentats. Total festum dissabte 20 de junh al parc de la victòria organizat per Calandreta. I aurà un platèu de RadioLarzac, 8 carrièra de la Bocaria, Milhau en Occitania Petit Modèle. 11 FIN 11-Cowboy Bebop – Bad Dog No Biscuits.mp3 (4’42) (tapis) Vaquí que s’acaba Manda ! una edicion balèsa e comola…