Manumalo a’ia’i (More than a conqueror)

OPEN HEAVENS MATALA LE LAGI MO LE ASO LULU 23 SETEMA 2026 (tusia e Pastor EA Adeboye) Manatu Autu: Manumalo a’ia’i (More than a conqueror) Tauloto Tusi Paia: 2 Korinito 2:14 “Ua fa‘afetai i le Atua, o lē ‘ua matou manumālō ai pea lava ‘ona o Keriso, o lē ‘ua matou fa‘aali atu ai fo‘i i nu‘u uma le manogi o le matā‘upu ‘iā te ia.” Faitauga - Tusi Paia: Roma 8:28-37 O le olaga e tumu i luitau. E amata mai le taimi na e fanau mai ai seia oo ina e alu ese ma lenei lalolagi, e te ui pea lava i luitau eseese. Peitai, e toatele tagata e tau taua ma ui i luitau e aunoa ma le manumalo. Peitai a sau lea tagata ia Keriso, e avea o ia ma tagata fou (2 Korinito 5:17), e suia mea uma. A faapea o lea tagata sa finau ma pologa i nei luitau ae faiaina muamua, ma ia leiloa le mea e tatau ona faia, a sau lea tagata ia Keriso, e lē toe pologa ae mautinoa lona manumalo. O le mena moni, o lea tagata e sili atu lona manumalo, e manumalo a’ia’i o ia. Fai mai le Roma 8:37, o tatou o kerisiano faatuatua, e manumalo a’ia’i. O lē manumalo aiai, o se tagata e tau le taua ma manumalo i ona fili. O lē manumalo, o se tagata e tau ina ia manumalo, ao lē manumalo aiai, e manumalo e aunoa ma le tauina o ni taua. O lea tagata e nofo lelei, malolo ma fiafia i le manumalo na tauina e le toa. E silasila atu le Atua ia te oe o le toa e manumalo aiai aua ua e maua le manumalo a Iesu. Na afio Iesu i le satauro, faatoilalo le tiapolo, maua le manumalo ma tuuina atu ia te oe. I le Mataio 28:18, na fetalai Iesu, ua ia tu‘uina atu ia te ia le pule uma lava i le lagi ma le lalolagi. Ona ia tuuina atu lea i lea mana i ona soo, mulimuli ane ua tuuina atu i soo se kerisiano faatuatua e ala i le Agaga Paia (Galuega 1:8). Ina ua maua e le au soo Agaga Paia, na amata loa ona nofo tupu i le olaga nei. Ua latou tuli temoni ma faamalolo i ē mamai i le suafa o Iesu. Ao feagai foi ma luitau ma ua sauaina, fai mai le Tusi Paia o i latou uma na faataapeapeina na o i nuu uma ma talai le talalelei ( Galuega 8:1-4). Faataitaiga, o Filipo na alu i Samaria, ona manumaloina atoa lea o le nuu mo Keriso ( Galuega 8:5-8). Le au pele e, o le avea ma toa e manumalo aiai, e lē faapea o le a leai ni taua ma ni luitau e te ui ai, o lona uiga faigofie, a oo mai fitā ma faigata, e tatau ona e sauni mo le faaeaina aua o le a faaaogaina e le Atua fuafuaga uma a le tiapolo e siitia ai oe. Na manatu le tiapolo ua ia faatoilaloina Iesu i le faasatauroina o ia, peitai e na te leiloa o le a faaumatia ai o ia. O loo faaalia e le 1 Korinito 2:8, ana iloa e alii sili oble pogisa o le lalolagi nei, semanu e latou te lē faasatauroina Iesu, le Alii i lona mamalu. Ou te folafola atu, o fuafuaaga a le tiapolo e faasagatau ia te oe, e toe lavea ai lava o ia. E te manumalo aiai, e sili atu i manatu o tagata. O le manumalo aiai, o lona uiga e te manumalo moni i fuafuaga a le tiapolo, i le suafa o Iesu, Amene.