မေလ ၁၃ ရက် တနင်္သာရီနေ့စဉ်သတင်း အစီအစဉ်

Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတော့ - ထားဝယ်မြို့အဝင် အိမ်ရှေ့ ပြင်ဂိတ်မှာ နှစ်ဖက်ပစ်ခတ်မှုဖြစ်ပြီး မြို့အဝင်အထွက်ဂိတ်တွေ ပိတ်ထားတဲ့အခြေအနေ - ထားဝယ်မြို့ကမ်းနားလမ်းမှာ ကင်းလှည့်နေတဲ့စစ်ကောင်စီတပ်ကား မိုင်းဆွဲတိုက်ခိုက်ခံရတဲ့အအကြောင်း - တစ်ရက်ကို အနည်းဆုံးကိုးနာရီအကြာ အလှည့်ကျ မီးပေးမယ်လို့ ထားဝယ်လျှပ်စစ်ကုမ္ပဏီကထပ်ထုတ်ပြန် လိုက်တာ - စစ်ကောင်စီတပ်ရဲ့ လေကြောင်းရန်ကြောင့် သရက်ချောင်းဒေသခံ ငါးထောင်ကျော် တိမ်းရှောင်နေရဆဲအခြေအနေ - မွန်ပြည်နယ်သားအချို့ပါတဲ့ တနင်္သာရီတိုင်း စစ်မှုထမ်းဒုတိယအသုတ် အခုအပတ်အတွင်း သင်တန်းပေးမယ့်အကြောင်း - ဘီးလင်းတံတားမိုင်းခွဲခံရပြီး စစ်ကောင်စီတပ်ကလက်နက်ကြီးနဲ့ ပစ်ခတ်တာကြောင့် အရပ်သားနှစ်ဦးသေသွားတဲ့ သတင်း - တရားမဝင်လာတဲ့ မြန်မာနှစ်ဆယ်ကျော် အယုဒ္ဓယမှာ အဖမ်းခံရတဲ့အကြောင်း စတဲ့သတင်းတွေပဲဖြစ်ပါတယ်။ တနင်္သာရီနေ့စဉ်သတင်း အစီအစဉ်ကို YouTube မှာ မလွတ်တမ်းနားဆင်နိုင်ဖို့ Subscribe လုပ်ထားကြဖို့ ပန်ကြားအပ်ပါတယ်။