මෙල්බර්න් - කොළඹ නව ගුවන් ගමනට මගියෙකු ලෙස එක් වූ ජෙට්ස්ටාර් යානා නඩත්තු ඉංජිනේරු ලලන්ත කඩිගමුව

වසර 83කට පසු පළමු වරට ඕස්ට්‍රේලියාවේ ගුවන් සමාගමකින් ශ්‍රී ලංකාව බලා සෘජු ගුවන් ගමන් වාරයක් ඇරඹීම අද දින (අගෝස්තු 25) සිදු කළා. මේ මොහොතේ එම ගුවන් යානය සිටින්නේ ශ්‍රී ලංකාව බලා පියාසර කරමිනුයි. යානයට ගොඩ වීමට මත්තෙන් සුවිශේෂ පුද්ගලයෙකුට SBS සිංහල සේවය කතා කළා. ලලන්ත කඩිගමුව ජෙට්ස්ටාර් ආයතනයේ බලපත්‍රලාභී ගුවන් යානා නඩත්තු ඉංජිනේරුවරයෙක්. නමුත් ඔහු මේ මංගල ගුවන් ගමනට සහභාගී වූයේ රාජකාරියේ කොටසක් ලෙස නොවෙයි. සිය මවගේ සුවදුක් බැලීමට යන පුතෙකු ලෙසයි. ගුවන් යානයේ ගමන් කරන තවත් එක් මගියෙකු ලෙස නව ගමන් වාරය පිළිබඳ ඔහු දැක් වූ අදහස්වලට ඔබත් සවන් දෙන්න.