Meža cylvāks - viersmežzins Euģēnijs Upenieks

Itūreiz iz sarunu asam aicynuojuši Austrumlatgolys viersmežnīceibys viersmežzini Euģēniju Upenieku. Mežnīceibā jis struodoj jau vaira nikai 30 godu. Euģēnija puorziņā ir Zīmeļlatgolys viersmežnīceiba ar Viļakys, Bolvu, Viļānu, Rēzeknis, Kuorsovys i Ludzys nūdaļom. Jam pateik byut mežā – struoduot, vāruot, pasastaiguot ci ari medeit. Jis izsver, ka faktiski nav īspiejams struoduot mežā, ka tu naesi medinīks i vysā naizprūti dzeivinīku biologeju. Runuosim par ituo laika aktualitatem Latgolys mežūs, pādejūs godu tendencem, meža guņsgrāku nalaimem i tūs dziesšonu, kai ari daudzi kū cytu.  „Tī meža cylvāki ir sovaiduoki cylvāki. Īpatneji. Jī ir taidi klusuoki, naprūt skali bļaut par sovom suopem, jis varbyut var aizīt kūkam mežā pastuosteit. Jī ir dvieseliskuoki, ījiuteiguoki, pacīteiguoki i iztureiguoki.”