मगर पूर्वी - "द दुई सडक" mp3

Magar Eastern - "The Two Roads".mp3 // युहन्‍ना 1 - बचन भर्‌मी छानार राछ1सुरुवाङ सन्‍सार सीरीस्‍टी छान्‍की डेनाङ अघी न बचन लेया। बचन परमेसोर खाटा लेया र बचन परमेसोर न लेया।  2होसको सीरीस्‍टी छान्‍की डेनाङ अघी परमेसोर खाटा लेया।3बचन लकीङ न परमेसोरै पट्‍ट न ठोकको सीरीस्‍टी जाटा, सीरीस्‍टी छान्‍च कुसे ठोक र होसको बीना माछाना।  4होसकोखाटा जीबन लेया, र होसे जीबन न भर्‌मीकुङ लागी ज्‍योटी लेया।  5होसे ज्‍योटी छुम्‍ठाङ चम्‍कडीस्‍ले, र छुम्‍छये होसे ज्‍योटीकी सेन्‍र जुकी माय्‍होक्‍ले।6परमेसोरै बीर्‌न्‍हकाच काट जना भर्‌मी लेया, होच्‍यो म्‍यार्‌मीन युहन्‍ना लेया।  7अनी आसको साक्‍छी छानार राहा। पट्‍ट न भर्‌मीकै ज्‍योटीकी चीन्‍डीयार बीस्‍वास जाट्‍की य्‍होक्‍ख्‍यौ डेयार परमेसोरै आसकोकी बीर्‌न्‍हकाच हो।  8युहन्‍ना लाहा न चहीँ होसे ज्‍योटी मालेया, टर होसे ज्‍योटीकी चीन्‍डीयाक्‍की डेम राम्‍हन्‍या।  9पट्‍ट न भर्‌मीकोलाक ज्‍योटी याछ होसे साँचो ज्‍योटी सन्‍साराङ राम्‍ह न लेया।10होसको सन्‍साराङ लेया अनी सन्‍सार होसको लकीङ खास्‍नन्‍या, टर सन्‍सारै होसकोकी माचीन्‍डीया।  11होसको लहो न भर्‌मीको लेठाङ राहा, टर होसे भर्‌मीकै होसकोकी गरहन माजाटा।  12टर होखुरीक कुडीक जनै होसकोकी गरहन जाटा र होसको मीटाक बीस्‍वास जाटा, होखुरीककी होसकै परमेसोरौ मीजाको छान्‍च अढीकार याहा। 13होखुरीक भर्‌मीयो य्‍हुलकीङ परमेसोरौ मीजाको छान्‍च अठबा भर्‌मीयो सरीरौ इच्‍छालकीङ जन्‍मडीस्‍च होइन टर परमेसोरलकीङ जन्‍मडीस्‍च हो।14अनी बचन भर्‌मी छाना र काल्‍हौ मीघ्‍याङ बास जाटा। होसको अनुगरह र सट्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।15युहन्‍नै होसकुङ बारेयाङ गबाही याछै बाड्‍को सोरै च्‍याक्‍चै डेया, “होसको होसे न भर्‌मी हो, होसकुङ बारेयाङ ङै डेमे, ‘ङा न्‍हुइङ राछ ङा डेनाङ कर्‍हाङ्‌छ ले, हीजैडेनाङ होसको ङा डेनाङ अगाडी लकीङ न लेया।’”16होसकुङ अनुगरहै कान पट्‍टकै आसीस मीटाक अर्‌को आसीस डुप्‍मने।  17हीजैडेनाङ ब्‍यावस्‍ठा मोसालकीङ डुपा, टर येसु खीरीस्‍टलकीङ चहीँ कानै अनुगरह र सट्‍यटा डुपा।  18परमेसोरकी सुयेर सेन्‍र माडाङ्‍ने। टर काट मट्‍टै मीजा होसको परमेसोर हो होसको बोयौ खेरेप ले र होसकै न कानकी परमेसोर चीन्‍डीयाक्‍ने।