Miguel Gallego: "Sintimos la necesidá que los/es falantes d'asturianu pudieren esfrutar del H.obbit nel nuesu idioma"

Güei nel nuesu programa falamos d'una anuncia que tuvo enforma sonadía. La espublización pa les vinientes navidaes del célebre llibru del xéneru mitolóxicu “El H.obbit” del escritor anglosaxón Tolkien qu’escribió tamién el célebre El Señor de los Aniellos. El nuesu convidáu ye Miguel Gallego, responsable d’esta torna de “El H.obbit” al asturianu. TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... www.alderiquesdasturies.com