မန်ယူဟာ ဂျိမ်းစ်ဘွန်းကို အသင်းမှာကစားပေးဖို့ ခေါ်ခဲ့ဖူးတယ်

လူသိနည်းပါးလှတဲ့ ဖြစ်ရပ်တစ်ခုပါပဲ။ မန်ယူဟာ ဂျိမ်းစ်ဘွန်းမင်းသားကို အသင်းအတွက် ကစားပေးဖို့ ခေါ်ယူခဲ့ပါသေးတယ်။ အဲ့ဒီကာလတုန်းကတော့ မန်ယူ ခေါ်ယူချင်ခဲ့တဲ့ ဂျိမ်းစ်ဘွန်းမင်းသားက သရုပ်ဆောင် မဖြစ်သေးသလို နာမည်လည်း မကြီးသေးပါဘူး။ စကော့တလန်ရဲ့ဒေသခံကလပ်လေးမှာ ကစားသမားဘဝဖြတ်သန်းနေတဲ့ ဘောလုံးသမားအဖြစ် သူက ရှိနေဆဲပဲဖြစ်ပါတယ်။ အဲ့ဒီ ဂျိမ်းစ်ဘွန်းမင်းသားကတော့ လမ်းလျှောက်တဲ့စတိုင်နဲ့ အရမ်းကို ထင်ပေါ်ခဲ့တဲ့ ဂျိမ်းစ်ဘွန်း ပထမဆုံးမင်းသား ရှောင်ကွန်နရီပဲဖြစ်ပါတယ်။ ရှောင်ကွန်နရီ ဟာ အရမ်းကို ဆင်းရဲနွမ်းပါးလှတဲ့ဘဝကနေ အမြင့်တစ်နေရာဆီကို တက်လှမ်းခဲ့ရသူပါ။ သူ့ရဲ့ဘဝဖြတ်သန်းမှုထဲမှာ ဘောလုံးသမားအဖြစ် ကျင်လည်ခဲ့ရတဲ့အချိန်တွေရှိခဲ့ဖူးတယ်ဆိုတာကို သိရှိသူက အရမ်း အရမ်းကိုပဲ နည်းပါးလွန်းလှပါတယ်။ ဒါ့အပြင် မန်ယူက သူ့ကို ခေါ်ယူဖို့ ကမ်းလှမ်းခဲ့ဖူးတယ်ဆိုတာကျတော့ တကယ့်ကို အတွင်းကျလွန်းလှတဲ့အကြောင်းအရာဖြစ်သွားခဲ့ပါပြီ။ ဒီနေ့မှာတော့ အဲ့ဒီအကြောင်းအရာလေးကို တင်ဆက်ပေးသွားမှာပါ။