မန်ယူဟာ လီဗာပူးကို ဘယ်လိုမှ နိုင်စရာအကြောင်းမရှိဘူးလို့ပြောရင် လက်ခံပေးပါ

ဒီညမှာတော့ အခုတစ်ပတ်ရဲ့ BIG MATCH လည်းဖြစ်၊ စူပါဆန်းဒေးပွဲလည်းဖြစ်တဲ့ လီဗာပူးနဲ့ မန်ယူတို့ရဲ့ ပွဲကို ယှဉ်ပြိုင်ရပါတော့မယ်။ မန်ယူဟာ လီဗာပူးရဲ့ကွင်းမှာ အနိုင်မရခဲ့တာ ခြောက်ပွဲဆက်တိုက် ရှိလာခဲ့ပါပြီ။ အဲ့ဒီပွဲစဉ်ခြောက်ပွဲမှာ လီဗာပူးဘက်ကို မန်ယူ ပြန်သွင်းနိုင်ခဲ့တဲ့ဂိုးက တစ်ဂိုးတည်းသာ ရှိခဲ့ပါတယ်။ လီဗာပူးဟာ ချန်ပီယံပြေးလမ်းထက်က ပြိုင်ဘက်တွေကို အမှတ်ဖြတ်ဖို့အတွက် အိမ်ကွင်းပွဲစဉ်အားလုံးကို အနိုင်ရအောင် ကြိုးစားအားထုတ်နေပါတယ်။ မန်ယူဟာ အရင်ကလောက် ကစားအားမကောင်းတော့သလို အသင်းအထိုင်လည်း ပျက်ယွင်းနေပါပြီ။ လီဗာပူးကို မန်ယူ အပြန်အလှန် ယှဉ်ကစားနိုင်ပါ့မလား။