Naummong a Sarsarita Part 2 (2) Ilocano

Inspirational tales and fables translated into Ilocano.EXCERPT: TI NAIBANGEN A BATO KEN TI BALITOK - Maysa nga ari iti dakkel a pagarian ti nagkeddeng a mangaramid iti eksperimento a mangsubok iti galad dagiti tattao ti pagarianna. Imbilinna kadagiti agserbi kenkuana a mangibangenda iti dakkel a bato iti kalsada nga agturong iti ili. Kalpasanna, napan naglemmeng iti asideg daydi dakkel a bato a naibangen tapno mawanawananna a siimen dagiti galad dagiti agdaliasat. Immuna a limmabas dagiti agtagtagilako. Gapuen ti kaadda dagiti im-imetda, liniklikanda daydi dakkel a bato a naka-balandra iti paglasatanda. Nag-sisinnarunoda a nagna iti sikigan daydi bato. Nagtantanabutobda iti suronda iti arida gapuen iti “saanna a panangpasayaat iti dalan.” Simmaruno a simmangbay ti maysa a nanumo a trabahador. Agawiden daytoy a nabannog manipud iti nagtrabahoanna. Ngem adda iggemna a supot ti taraon a nangiserbianna iti nabirokanna iti dayta nga aldaw. Taraon daytoy nga agpaay iti kaamaanna. Iti iyaasidegna iti bato, imbabana daydi awitna iti igid ti dalan ket ginay-atna nga impatulid daydi dakkel a bato tapno ipa-igidna. Dakkel ken nadagsen daydi bato ngem inkarigatanna nga inlisi daytoy tapno mawaya-wayaan ti dalan. Nagkal-kaling-etan a nangan-anus a nangiyalis iti bato agingga iti nasingkedannan a saanen a makapeggad daytoy kadagiti aglabas. Pinidut ti trabahador daydi imbabana a supot tapno agdardarasen nga agawid agsipud ta iti pannakatantanna ket sumipngeten. Iti daydi irurukobna, adda nakitana a supot idiay tengnga ti kalsada a naggapuan daydi bato nga inyalisna. Pinidutna daytoy ket idi linuktanna, naimatanganna ti gabsuon a pirak a balitok. Adda surat a nakupin iti rabaw dagiti pirak. Naggapu daytoy iti ari ket naglaon daytoy itibilin a ti supot ti balitok ket gunggona ti sinnoman a mangipa-igid iti bato iti igid ti kalsada. Ammo daydi nasirib nga ari a daydi pannakayalis ti bato ket kinasapulanna ti pigsa, kired ken mannakipagrikna ti sinnoman a mangaramid iti daytoy. CONTINUE ON (LISTEN TO PODCAST FOR THE REST OF THE NARRATIVE)