NAWAWALANG ASAWA??

If you want to support my Podcast, you can do so by clicking the links below. Thank you so much and God bless. https://buymeacoffee.com/tagalogcrimescenestories patreon.com/TagalogCrimeSceneStories January 29, 2024, bandang 5:30 ng hapon, isang 18 anyos na si Pornthep Thomthisaeng ang papauwi galing trabaho sakay ng kanyang motorsiklo, sa kahabaan ng Highway 7 sa Bangkok Pattaya. Habang pababa ng Highway, may napansin siyang pigura ng tao sa may gilid ng kalsada. Isang lalaking kumakaway na parang pumapara, ang blangkong nakatingin sa kanya. Nung una nakaramdam siya ng pagkabalisa, at gumapang ang takot sa kanyang sistema. Talagang siya ang pinapara ng taong blangkong nakatitig sa kanya. Dahil sa pagkabalisa, pinaharurut niya ang kanyang motorsiklo. Pero bandang huli, di niya rin siya nakapagpigil. At nagdesisyong balikan ang nasabing tao, para matanong kung anong kaylangan nito. Gayunpaman, pagbalik niya sa lokasyon, subra siyang nanghilakbot sa kanyang nakita. Na pakiramdam niya'y tumayo ang lahat ng kanyang balahibo, pati buhok sa kanyang ulo. Walang tao, kundi, walang buhay na katawan ang kanyang naabutang nasa gitna ng damuhan. Umaalingasaw na ang amoy nitong sumasama sa hangin. Nagpapahiwatig ng isang malagim na katotohanang na matagal na tung naandun. Nanginginig ang buong katawan ni Pornthep. Nagtatalo sa kanyang isipang ang nakitang taong pumapara sa kanya kanina, ay hindi na talaga tao, maaring isa na yung multo. Hindi na rin siya nag aksaya ng panahon. Agad siyang tumawag ng mga pulis, at ipinaalam ang kanyang natukalasan. Dito na rin nagsimula ang pagsisiyasat na hahantong sa paikot-ikot na imbestigasyon.