Negative behaviors that we don't even realize can have a huge impact on a relationship.

ပေါင်းသင်းဆက်ဆံရေးဟာ လူ့အသိုင်းအဝိုင်းမှာကျင်လည်နေတဲ့ လူတွေအတွက်တော့ အခြေခံလိုအပ်ချက် Skill တစ်ခုပါပဲ။ကျောင်းမှာဖြစ်ဖြစ် ၊ လုပ်ငန်းခွင် ရောက်ချိန်မှာပဲဖြစ်ဖြစ် လူတွေနဲ့ထိတွေ့ဆက်ဆံတဲ့အခါ တက်နိုင်သမျှ ကိုယ့်ပတ်ဝန်းကျင်ကလူ တွေ အားလုံးနဲ့အဆင်ပြေအောင်ပြောဆိုဆက်ဆံတက်ဖို့ လိုပါတယ်။ ဒီနေရာမှာ လူတစ်ယောက်ရဲ့ အမူအကျင့်စရိုက်တွေကအများကြီး စကားပြောပါတယ်။ တစ်ခါတစ်လေမှာ ကျွန်တော်ကိုယ်တိုင်တောင် သတိမထားမိတဲ့အနုတ်သဘောဆောင်တဲ့ အကျင့်စရိုက်တွေက ပေါင်းသင်းဆက်ဆံရေးအပေါ် အများကြီး ထိခိုက်မှုရှိစေနိုင်ပါတယ်။                                       လူတိုင်းကတော့ကိုယ့်ရဲ့ကောင်းကွက်လေးတွေကို ထုတ်ဖော်ပြောရတာ နှစ်သက်ကြတာ သဘာဝပါ။ သို့သော်လည်းကိုယ့်ကိုယ် ကိုယ် အရမ်းဂုဏ်တင်ပြီး ကိုယ့်အကြောင်းကိုယ် တခြားသူထက် ကိုယ်တိုင်ကချီးမွမ်းပြောဆို နေမယ်ဆိုရင်တော့ မျက်စိဆံပင်မွှေး စူးစရာ ဖြစ်တက်ပါတယ်။ဒါကြောင့် မလိုအပ်ပဲ ကိုယ့်ကိုယ်ကိုယ် ဂုဏ်တင်ချီးမွမ်းတဲ့ အကျင့်စရိုက် ကိုသတိထား ရှောင်ရှားစေလို ပါတယ်။