नेवार नेवारी भक्तपुर - " द दुई सडक" mp3

Newar Newari Bhaktapur - "The Two Roads".mp3 // यशैया 52 - परमप्रभुया दास दुःख व गौरव13स्‍व, जिमि दास ताःलाइतिनि। वयात च्‍वछाइ, थकाइ अले वयात तसकं तःधंकी।14गथे व खनाः यक्‍व मनूत गजब जुल वयागु रुप म्‍हसिके हे मफय्‌क. व वयागु रुप मनूया स्‍वयाः नं अप्‍वः स्यंगु खः –15तर आः यक्‍व जातित वयात खनाः वातां जुइ। वयागु कारणं जुजुपिं सुम्‍क च्‍वनी। छाय्‌धाःसा इमित धा हे मधाःगु खँ इमिसं खनी,इमिसं न्‍यँ हे मन्‍यंगु खँ इमिसं थुइकी। ================== यशैया 53 - परमेश्वरया दासं झीगु निंतिं छु यात1झीगु बुखँय्‌ सुनां विश्वास याःगु दु? परमप्रभुया बल्‍लाःगु ल्हाःया शक्ति सुयात क्‍यन?2व ला वय्‌कःया न्‍ह्यःने क्‍यातुगु मा थें. व गंगु बं पिहाँ वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय्‌ झीत यःगु छुं नं मदु।3वयात मनूतय्‌सं घृणा यानाः मयय्‌कल,  व दुःखय्‌ लाम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात घृणा यात, झीसं वयात छुं मू वंम्‍ह मतायेका।4धात्‍थें वं झीगु ल्‍वय्‌त क्‍वबिल, अले झीगु कष्‍ट फयादिल, अय्‌नं जिमिसं वयात परमेश्वरं सजाँय ब्यूम्‍ह, व दुःख-कष्‍टय्‌ लाःम्‍ह तायेका।5तर वयात ला झीगु हे अपराधया निंतिं सुयाबिल। वयात झीगु अधर्मया निंतिं क्‍वत्‍यल। वं सजाँय्‌ फःगुलिं झीत सुख शान्‍ति दत। वयागु कोर्राया चोटं झीपिं लन।6झीपिं फुक्‍कं फैत थें लँ तनाच्‍वंपिं खः। झीपिं फुक्‍क थःगु हे लँय्‌ वनाच्‍वना, अले परमप्रभुं वयाके झीगु फुक्‍क अधर्म तयादीगु दु।7व क्‍वत्यकाः च्‍वने माल, वयात सास्‍ति जुल, अय्‌नं वं थःगु म्‍हुतुं छसः नं न्‍वमवाः। स्‍यायेत यंकूम्‍ह भ्‍याःचायात थें वयात यंकल, तँय चाइम्‍हय्‌सिगु न्‍ह्यःने फै सुम्‍क च्‍वंथें. वं थःगु म्हुतुं छुं न्‍वमवाः। 8अत्‍याचार यानाः व दोपं बियाः वयात इमिसं यंकल। वयात जुइगु बारे सुनां ध्‍यान मब्‍यू। छाय्‌धाःसा व म्‍वाःपिनिगु देशं अलग तल, जिमि मनूतय्‌गु अपराधया निंतिं वयात दाल।9इमिसं वयागु चिहान दुष्‍ट मनूतय्‌गु नापं दय्‌कल, व सीबलय्‌ तःमिपिं नापं हे थुन, खःला वं छुं ल्‍वापुख्‍यापु याःगु मदु, वयागु म्‍हुतुं मभिंगु व मखुगु खँ ल्‍हाःगु मदु।10वयात दुःख कष्ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।11वं थःगु प्राणं तसकं सास्‍ति नये धुंकाः, वं जीवनया जः खनि अले थः लुधनि। थःगु ज्ञानं यानाः जिमि धर्मीम्‍ह दासं यक्‍वसित धर्मी यानाबी, वं हे इमिगु अधर्म क्‍वबिइ।12अथे जुयाः जिं तःधंपिं नापं हे वयात नं छगू भाग बी, वं लाका हःगु माल बल्‍लाःपिं नापं इनि। छाय्‌धाःसा वं थःगु जीवन पानाबिल, व अपराधीत नापं हे वयात ल्‍याःखात। वं यक्‍वसिगु पाप क्‍वबिल, व अपराधीतय्‌गु निंतिं स्‍वापु तइम्‍ह जुल।