Ni Albert Einstein - Naindaklan a Pisiko 2(3) Ilocano

Historical biographical account about the world's greatest physicist in human history and is narrated in three parts in Ilocano. This second episode continues onto his personal life story including his divorce from his first wife and his subsequent marriage with his cousin.EXCERPT:"Iti daydi tawen- MIL OTSO SIENTOS NUBENTA’Y KUWATRO (1894), napan dagiti dadakkelna idiay Italya ta napanda nagtrabaho. Gapu ta agad-adal idi ni Albert, nagbati daytoy idiay Munich tapno iturposna ti panagadalna. Iti daydi a tiempo simmaet ti panagduyos ni Albert iti panagadalna. Nagbalin a naipaduma ti sariritna iti paset ti Matematika a Calculus. Ngem pasaray idi a saan nga agatendar iti dadduma a klasena tapno makapan iti laboratoryo. Iti kadagiti klase a dina inatendaran, kinuna dagiti propesorna nga awanto ti maung-ungpotna iti panagbiagna. Idi nagtawen ti SANGAPULO KET PITO (17) daytoy, simmango iti maysa a mangeksamen iti panagbiyulinna. Naamiris daydi nangeksamen nga adda sabali ken karkarna a panangipapan ni Einstein iti musika. Iti kadagidi simmaruno a dekada, nagbalin ni Albert a nalaing a biyolinista. Ngem nareg-regget daydi panagayatna iti siyensa. Kinunana: “Agbiagak kadagiti darepdepko iti musika. Sirsirpatek ti biagko iti pagannurotan ti musika.” Idi MIL OTSO SIYENTOS NUBENTA’Y SINGKO (1895), kayatna idi ti agadal iti inhenieria ken mangipamaysa iti linya nga elektrisidad ngem idi nag-eksamen a sumrek idiay wenno Swiss Federal Polytechnic Institute idiay Suisya, saanna a nairuar daytoy. Nupay kasta napalubosan a nangkumpleto iti gradona idiay Argovian Cantonal School idiay Aarau (‘O-R A W’), Switzerland. Idi MIL OTSO SIYENTOS NUBENTA’Y SAIS (1896). Nakastrek daytoy idiay Eidgenossische Technishe Hoschule wenno (Swiss Federal Polytechnic Institute) a nagadal iti uppat a tawen iti Matematika ken Pisika kabayatanna nangisuro daytoy iti kurso a pakaitedan iti diploma.""Idiay unibersidad, maymaysa laeng ti babai a ka-eskuelana. Isu daytoy ni Mileva Maric (maisawang a ‘Mar-itch’). Maysa matematiko ken pisiko a taga Serbia ni Mileva. Daytoy nga unibersidad ti maikadua nga unibersidad ti Yuropa a nangawat iti babbai nga agadal kadagiti programa nga iyadalda. Ni Mileva ti maikalima pay laeng a babai a nagadal iti Matematika ken Pisika iti dayta a pagadalan kadagidi a panawen. Nayanak daytoy iti pamilya idiay Imperio ti Hungaria. Adda kabalinan ti kaamaanna. Iti daydi a tiyempo, saan a mapalubosan dagiti babbai nga agturpos ken aggun-od iti edukasyon manipud iti unibersidad idiay Hungaria. Iti kasta, kinaduaan daytoy ti amana a ni Milos Maric, maysa nangato nga opisyal iti Korte idiay Zagreb, Croatia a napan idiay Suisa (Switzerland) tapno sumrek iti pagadalan a sekundaria dagiti babbai. Nupay adda bassit panagpillakosna a magna gapu iti nakaiyanakanna a pannakasalto ti pading-padingna, saan a nakatubeng daytoy iti kinaalibtakna iti akademya."PLEASE LISTEN TO THE PODCAST FOR THE WHOLE AND COMPLETE EPISODE.