Ni Alehandro a Naindaklan Part 2 (2) Ilocano

Part 2 of the inspirational biographical account of Alexander the Great in the Ilocano language.EXCERPT (PART 2) TAWEN IDI TI TALLO GASUT TALLO PULO KET TALLO KASAKBAYAN NI KRISTO (333) B.C. idi mapasamak ti RANGET IDIAY ISSUS. Katalek ni Alehandro ti puwersa militar a liga dagiti Helenes, idi kinabalubalna ti dak-dakkel pay a puwersa ti Imperio Arkimenedo nga indauloan ni Ari Darius a Maikatlo (Darius III) iti Persia.Nagsabetda iti asideg ti ili ti Issus iti abagatan a paset ti Turkey, idiay ili ti Anatolia. Daytoy ti umuna a panagranget da Alehandro ken Darius. Kadagiti simmaruno a tawen a nagdaliasat ni Alehandro ta napan nangituray kadagiti lug-lugar a ginandatna nga inawid, naulit manen daydi a panagsarakda.Adayo nga ad-adu ti mannakigubat iti liga ni Darius III ngem dagiti nabati a mannakigubat ni Alehandro gapuen kadagiti immuna a gubat a pinaglasatan ken nakigasang-gasatanda. Dagitoy ti nakainutan ti puwersana a nakakissayan. Numanpay kasta, gapu iti pannakairuamda a makigubat, adayo a nabangbanges, nareg-regget ken napekpeklan ti tarigagay ti puwersa ni Alehandro nga agballigi ngem siasinoman a kinalabanda. Iti pannakaabak ni Darius kinemmeg ni Alehandro ti ina, asawa ken dua a babbalasang nga annak ni Darius. Inyopresir ni Darius ti kagudua ti pagarianna kas kasukat ti pannakaisubli ti pamilyana ngem saan nga immannugot ni Alehandro ket kinunana a saan nga agbalin nga adda dua nga apo-init. Iti kasta kinaritna manen iti gubat ni Darius. Pimmanaw ni Darius a nangbangon manen iti puwersana idinto ta nabati ti asawana kasta met ti pamiliana. Kasta unay ti panagpungtot ni Sisygambis nga ina ni Darius gapu iti pagarupna a panaglibas ni Darius ken panangbay-bay-a daytoy kadakuada. Inwaksina ti anakna iti pungtotna ket inawatna payen ni Alehandro a kas anakna.CONTINUE ON (LISTEN TO THE PODCAST FOR THE REST OF THE STORY)