Ni Alexander Graham Bell Ama ti Telepono 3(3) Ilocano

Historical biographical account about inventor Alexander Graham Bell. This is narrated in the Ilocano language of the Philippines. This is the third of 3 parts.EXCERPT:"...Asideg ti panaggayyem da Helen Keller ken Alexander Graham Bell. Agpadada a naggapu iti pamilya a saan laeng a respektable ken nangangato ti saadenda no di ket pasetda iti pakasaritaan ti Amerika. Maikadua a kasinsin wenno kapidua ti apo a baket ni Helen iti awid ti pamilya a Keller daydi Heneral Robert E. Lee. Nalatak a heneral iti konpederasyon ti Amerika ni Hen. Lee. Maisurot ti puon ti linya ti kaamaan ni Helen Keller iti linya ni Ari Edward 1 ti Inglatera a maika SANGAPULO KET INNEM (16) a henerasyon nga apona a lakay, ket ni Ari Henry III ti Inglatera a maika SANGAPULO KET PITO (17) a henerasyon nga apona a lakay. Immuna a naam-ammo ni Alexander Graham Bell ni Helen idi MIL OTSO SIYENTOS OTSENTA’Y SIYETE (1887). Innem ti tawen ni Helen idi impan dagiti agassawa a Keller daytoy kenkuana nga ikonsulta. Kadagidi a panawen, nalataken ti nagan ni Dr. Bell gapuen ti panangimbentona iti telepono. Ngem iti daydi a tawen a napan impan dagiti dadakkel ni Helen daytoy ken ni Dr. Bell, agpapaay idi a mangngagas dagiti ubbing a di makangngeg daytoy. Nagkiddaw dagiti dadakkel ni Helen ti rekomendasyon maipapan iti eskuwelaan ken mannursuro iti ubing a bulsek ken tuleng. Inturong ni Alexander Bell ti ama ni Helen iti eskuwelaan a nakaalaanda kenni Anne Sullivan a nagbalin a mannursuro ken matalek a kadua ken gayyem ni Helen. Babaen iti lagip ni Helen idi insuratna ti biograpiyana, kinunana nga iti daydi immuna a pannaka-am-ammona ken ni Dr. Bell, nariknanan a dagus idi a managayat ken naanus a mangngagas ni Dr. Bell. Sinaklotna ni Helen ket impalubosna iti ubing nga amirisenna daydi relosna. Naray-aw idi ni Helen iti daydi a pannakaiggemna iti relosna.Kadagiti simmaruno a tawen, gapuen iti ipagpagna ni Alexander Graham Bell idi a prinsipyo a kasapulan a masuroan dagiti saan a makangngeg nga agsao, nagbalin a modelo ken inspirasyon iti propesyonna a mang-ngagas ni Helen Keller. Ni Helen ti immuna a tuleng ken bulsek a nakaadal nga agbasa, agsurat ken agsao iti nasigu. Nagballigi pay a nagturpos iti propesyonna iti unibersidad.Indidikar ni Helen daydi sinuratna a biograpiyana idi MIL NUEBE SIYENTOS TRES (1903) - “Ti Pakasaritaan ti Biagko,” ken ni Bell. Kinunana ditoy a ni Alexander Graham Bell ti ‘nangisuro kadagiti tuleng nga agsao ken pinagbalinna ti lapayag a dumngeg iti bitla manipud Atlantiko agingga idiay Kabatuan.” Iti daydi biograpiya nga insuratna, inlanad ni Helen Keller ti panagraemna kenni Alexander Graham Bell. .."PLEASE LISTEN TO THE PODCAST TO CONTINUE AND FOR THE FULL EPISODE.