Ni Shavarsh Karapetyan a Taga Armenia - Ilocano

Inspirational narrative about Armenia’s hero athlete and fin-swimming champ -Shavarsh Karapetyan. The story is told in Philippine language - Ilocano.EXCERPT:Maysa nga aldaw idi 1976, kas kadawyan iti inaldaw a panagensayona nga atleta, kadua ni Shavarsh Karapetyan ti kabsatna a lalaki a rimmuar a napan nagtaray. Daytoy inaldaw a rehimeda a panagtaray ket paset ti ehersisyo a pangpakiredda iti pigsada ken panangpabilegda iti bagida nga agibtur iti bannog. Preparasyonna daytoy iti ipanna ilalangoy iti kompetisyon nga Olimpik. Kalkalpasda idi daydi panagtarayda iti sangapulo ket dua a milya idi nasirpatda ti maysa a lugan a napno ti pasahero a natulatid iti puttot iti deposito ti danum. Nagin-inut a limned daydi behikulo (trolley bus) iti agarup walupulo (80) a kadapan ti kaadayona manipud iti puttot ken tallupulo ket tallo (33) a kadapan iti uneg ti danum.Dagus a napan bimmatok ni Shavarsh iti kasla hielo ti kalamiisna a danum ket nagalisto a napan iti daydi limneded a behikulo. Nadarasna a nagteng daytoy nupay gapuen iti angep ket arigna awan makitana. Nabaelanna a kinugtaran ti akinlikud a tawa daydi a behikulo. Nariknana daydi pannakasugatna iti daydi panangburakna iti sarming ti tawa ngem impingetna nga intuloy nga alawen dagidi pasahero a napupok iti lugan. Minaysa-maysana dagitoy nga ginuyod ken inruwar iti unos ti mano nga oras.Daydi nagkadua nga epekto ti kinalamiis ti danum ken dagidi sugatna ket isut’ nagsakitanna a nakaigapu iti pannaka-ospitalna iti uppat a pulo ket lima (45) nga aldaw kalpasan daydi nga insidente. Iti daydi a tiempo, naaddaan daytoy iti pulmonia gapuen iti pannakay-uperna iti kinalamiis. Naaddan daytoy iti sepsis a nagrisutan daydi impeksiyon. Daydi pannakadadael ti barana isut’ nanggibus iti daydi namnamana nga atleta a mapan makikompetisyon iti Olimpik.Taw-tawen ti naglabas ket daydi a naindaklan nga inaramidna a nangsalbar iti manu-pulo a pasahero ket nalipatanen. Ngem idi 1985, adda nalabsan ni Shavarsh a dakkel a patakder a maur-uram ket timmaray daytoy a nangarayat kadagiti tao a napupok iti apuy ken asuk. Saan a nagsardeng daytoy a napan nangsarakusok iti peggad tapno salbarenna dagidi maur-uram a tattao agingga iti nakusbo daytoy. Naipan manen daytoy iti hospital gapuen ti pannakauram ti bagina. Dimmagsen pay ti barana gapu iti asuk a naang-angesna.PLEASE LISTEN TO THE PODCAST FOR THE FULL STORY.