Ni Stephen Hawking Part 2 (2) Ilocano

Inspirational biographical narrative about physicist Stephen Hawking in Ilocano. This is second and last part of the 2-part podcast.EXCERPT:"...Tawen 1966 idi naawatna ti titulo ti kinadoktorna iti Pilosopiya (PhD). Nag- pagaammoan iti sirkulo dagiti masisirib a siyentipiko daydi tesis (thesis) a kinabuklan ti sinukimatna. Daytoy daydi immuna a gapuananna. Daydi a publikasyon ti sinuratna ket maipanggep kadagiti ‘Propriedad ti Lumawlawa nga Uniberso’ (‘Properties of Expanding Universe’). Manipud 1966, nakikolaborasyon ni Stephen iti ‘examiner’ a ngatoenna a siyentipiko ti kosmolihiya - ni Roger Penrose. Nagadal ken nagsukimatda iti teoriya maipapan ti ‘Naggappuan ti Uniberso’ (‘Origins of the Universe’). Inamirisda daydi teoriya ni Albert Einstein a ‘Teoriya ti Kadawyan a Grabidad’ (“Theory of General Relativity”) a daytoy ket mangisingasing a ti espasyo ken panawen ket nagrugi iti pannaka-adda ti uniberso; ket iti kasta agtungpal ngarud daytoy iti kaunggan ti ‘nangisit nga alikuno nga abut’ (black holes). Daytoy a teoriya ni Einstein ket panangawatna no kasano a maaringan wenno maapektaran ti grabidad ti galad ti espasyo ken panawen- dua a banag a kunana ket nagsilpo a saan a mapagsina. Nasapa nga inrugi ni Stephen ti panagsukimatna maipanggep iti ‘Nangisit nga Alikuno nga Ab-Abut’ (black holes) iti uniberso ket inkagumaanna nga inggun-odan daytoy ti naan-anay a pammatibker ken pammaneknek sakbay a naipablaak. Ngem sumagmamano pay a tawen ti naglabas sakbay a naisuratna ti duktalna iti libro a naipablaak. Daytoy ket agsipud ta adu pay dagiti dadduma a kapanunotan a suksukimatenna a kagiddan daytoy a teoriya na. Ngem idi naipablaaken daytoy a teoriyana, kaduana a nagsurat ti maysa pay a mannurat a siyentipiko a ni Leonard Mlodinow. Napauluan daytoy a libro ti “Ti Naindaklan a Disenyo” (“The Grand Design”). Iti daytoy a librona, inlawlawagna ti teyoriyana a ti kosmos (Cosmos) ket saan a maymaysa ti kinaaddana wenno pakasaritaanna; ngem ketdi, amin a mabalin a pakasaritaan ti uniberso ket addada amin nga agbambanag a padapada. Maysa a mararaem a siyentipiko ti teoriya a Pisika ken Matematika ni Leonard. Ub-ubing daytoy ngem ni Stephen ngem mararaemen daytoy a masirib iti gimong dagiti siyentipiko. Pagaammoanen idi ti balligi dagiti libro a sinuratna. Kasta met a nagbalin daytoy a mammagbaga ken mannurat kadagiti popular a pelikula maipapan iti sar-sarita ti siyensa (science-fiction) a naiparparang iti telebisyon. Nagsarak da Stephen ken Leonard idi 2003, Kinainnuman ni Stephen daytoy maipanggep iti panagkolaborasyonda a mangsurat ti libro a pangsaruno ni Stephen iti daydi librona a napauloan ‘Ti Ababa a Pakasaritaan ti Panawen” (A Brief History of Time).PLEASE LISTEN TO THE PODCAST FOR THE FULL EPISODE.