နိုဝင်ဘာလ ၇ ရက် တနင်္သာရီနေ့စဉ်သတင်း အစီအစဉ်

Dawei Watch က စီစဉ်တင်ဆက်နေတဲ့ တနင်္သာရီနေ့စဉ်သတင်း အစီအစဉ်ကို နားဆင်ရမှာပါ။ ဒီနေ့အတွက် တင်ဆက်ပေးမယ့် သတင်းတွေကတော့ - တနင်္သာရီမြို့နယ်က စစ်ဘေးရှောင်တွေနဲ့ ဒေသခံတွေ ဝမ်းပျက်ဝမ်းလျှော အဖြစ်များနေတဲ့အကြောင်း - သန်းခေါင်းစာရင်းကောက်အဖွဲ့မှာပါလို့ ဖမ်းဆီးထားတဲ့ သရက်ချောင်းမြို့နယ်က ဝန်ထမ်း ခုနစ်‌ေယာက်ကို ပြန်လွှတ်ပေးလိုက်တဲ့အခြေအနေ - သရက်ချောင်းမြို့နယ်မှာ ထန်းရည်ရောင်းတဲ့ အမျိုးသမီးတစ်ဦးကို စစ်ကောင်စီတပ်က ပစ်ခတ်တဲ့ သေနတ်ဒဏ်ရာ ရရှိခဲ့တာ - စစ်ကောင်စီတပ်က စစ်ကြောင်းထိုးနေလို့ ဥတ္တူရွာက ကထိန်ပွဲ ဖျက်သိမ်းလိုက်ရတဲ့အကြောင်း - အထည်အလိပ်ဈေးမြင့်တက်နေလို့ ကထိန်သင်္ကန်းဈေးလည်း မနှစ်ကထက် နှစ်ဆလောက်မြင့်တက်သွားတဲ့အခြေအနေ - ရောင်းမော်ရွာက ပျူစောထီးအဖွဲ့ဝင်လို့ဆိုသူတွေရဲ့ နေအိမ်ခုနစ်ဆောင်မီးရှို့ခံရတာ - ထိုင်းဖက်က အဝယ်လိုက်လာလို့ ကျွန်းစုမြို့နယ်က ကဏန်းမဲဈေးကောင်းရလာနေတဲ့အကြောင်း - ဘန်ကောက်မြို့အနီးက ဆောက်လုပ်ရေးလုပ်ငန်းခွင်မှာ မြန်မာအလုပ်သမား တစ်ရာကျော်အဖမ်းခံလိုက်ရတာ စတဲ့သတင်းတွေပဲဖြစ်ပါတယ်။ တနင်္သာရီနေ့စဉ်သတင်း အစီအစဉ်ကို YouTube မှာ မလွတ်တမ်းနားဆင်နိုင်ဖို့ Subscribe လုပ်ထားကြဖို့ ပန်ကြားအပ်ပါတယ်။