Noticias 13.30 h | Mércores, 20 de agosto de 2025

Estas son as principais novas que hoxe recollemos en Noticias 13.30 h: - Continúa cortado o tramo do Paseo da Corredoira dende o Cantón de Diomedes até a rúa Augusto González Besada, debido á continuación das obras na praza da Inmaculada - A Agrupación de Voluntarios de Protección Civil de Tui trasladará mañá ás zonas afectadas o material de autoprotección recollido esta semana - Esta mañá a familia e amigos de Brais Otero, o xove motorista falecido o 15 de xullo nun accidente na autovía Tui-A Guarda, concentráronse ante os xulgados de Tui co obxectivo de pedir xustiza - O benestar e empoderamento das mulleres centra o programa de actividades “Feminino Plural” posto en marcha polo Concello de Tui e que comezou hoxe coa charla “Sexualidade e saúde” - Hoxe continúa a Semana Cultural de Caldelas con dobre proposta teatral e o venres e sábado co V Rocha Folk - Nova cita co Cineclub Tui mañá ás 22 h coa proxección de “Diarios de Motocicleta” - Cinco padeeiros do Kaiak Tudense compiten no Campionato do Mundo de Piragüismo de Sprint en Milán