Nūpītni nanūpītnī medinīku stuosti nu Viktora Rebļa i Jāzepa Korsaka

Soka, ka eistus i nūpītnus medinīku stuostus navar atkluot, taipat kai medinīkam vēlēt veiksmis, jo tod nasaveikšūt medeibuos. Vys tik nanūpītnajūs stuostūs i trofeju pīredzē ar mums šudiņ doluos diveji aizrauteigi i pīredzis boguoti medinīki — Viktors Reblis i Jāzeps Korsaks. Runuosim par tū, kai ar vīnu suovīni nūsaut divejus začus, kai medinīki līlejās i kaidus puorbaudejumus dūd jaunim kolektīva bīdrim, i daudzi kū cytu. Viktors Reblis ir medinīku kluba „Mežabrāļi” izveiduotuojs i vadeituojs, ilggadejais Zīmeļlatgolys regiona mežkūpeibys vadeituojs i aktivs dažaidu kulturys pasuokumu atbaļsteituojs, kurš naseņ devīs peļneitā pensejā. Sovpus uorsts i narkologs Jāzeps Korsaks kasdīnā tur ryupi par alkohola lītuošonys paradumu apkaruošonu Latgolā, bet uorpus tuo jis ir ari politikis, medinīks, aizrauteigs ceļuotuojs i kolnūs kuopiejs, kurs vys vēļ tīcās sasnēgt jaunys viersyunis tīšā i puornastā nūzeimē.