Ny bok om suksessen Luminell

Grunderen David Fink har kome med ei ny bok om tru, nederlag og motet til å gje slepp. Han er grunderen bak selskapet Luminell, ein lysteknologi som ikkje fantes tidlegare. Det er snakk om arbeidslys og ledlys som skulle tåle krevande vèrforhold på sjøen. Luminell vart ein suksess og i 2021 vart selskapet selt til Glamox. No har Fink gitt ut ei bok om historia bak suksessen Luminell. Det usynlege gjort synleg er namnet på boka og handlar om mange av historiene og opplevingane i reisa, og korleis det å vere ein grunder går utover både ekteskap og livet elles.