O le Atua e leai se mea e gata ai 2 (The unlimited God 2)

OPEN HEAVENSMATALA LE LAGI MO LE ASO  FARAILE 20 FEPUARI 2026(tusia e Pastor EA Adeboye) Manatu Autu: O le Atua e leai se mea e gata ai 2 (The unlimited God 2)Tauloto Tusi Paia: Kenese 18:14 “E i ai ‘ea se mea e faigatā i le ALI‘I? O ona pō ‘ua tu‘upoina ‘ou te toe fo‘i mai ai ‘iā te oe, i lelā tausaga, e maua mai ai e Sara, le tama tane.”Faitauga - Tusi Paia: Esekielu 37:1-10O le Atua, e ui e leai se mea e gata ai pe a oo i tagata e tetee mai, e leai se mea e gata ai i soo se vaega o le olaga. I le Kenese 18:9-14, ina ua ia faapea mai o se fafine e 90 tausaga o le a to, na ataata le fafine aua i le vaaiga faale tagata e pei e malie lea tulaga. Ua oo le tino i le tulaga e lē mafai ona toe tauave se pepe, ae o lona toalua, ua toeitiiti 100 tausaga, peitai na fetalai le Atua, ‘i le 9 masina o lumanai, o le a maua sau pepe tama’. Ina ua ataata, na vaalau le Atua ia te ia ma fetalai atu, ‘e iai ea se mea e faigata ia te a’u?’ E leai se mea e faigata i le Atua ona foia poo se tulaga ua leai se faamoemoe e lē mafai ona ia feliuaina. E lei taua i le Tusi Paia pe fia le umi na faatalitali ai Manoa ma loa toalua mo se pepe, peitai na gata le la faatalitali ina ua saunia e le Atua se agelu e asiasi iai laua (Faamasino 13:2-14). I le vaaiga faale tagata, o Sakaria ma Elisapeta ua matutua tele ua lē mafai ona fanau mai ai ni tamaiti. O le mea moni fai mai le Tusi Paia ua matutua foi i laua, o lona uiga ua matutua ma vaivai o la tino. Peitai e lei avea lea ma tulaga na taofia ai le Atua i le foai atu iai o se la pepe (Luka 1:5-25). A sauni le Atua e foai mai le ola, e leai se mea e oti e taofia o ia. I le faitauga mai le Tusi Paia o le asō, na vaaia e Esekielu se vanu e tumu i ivi mamago. O ivi mamago e faatatau i tagata poo ni manu ua leva na oti pe mate. Ina ua ave e le Atua Esekielu i le vanu e tumu i ivi mamago, na fesili le Atua ia te ia pe toe ola nei ivi. Na vave ona iloa e le tagata o le Atua o le tulaga ua feagai ma ia e le mafai e lona faatuatua ona faia ma ua ia faapea atu ma le poto, ‘Le Alii e, na o lau afio e mafai ona iloa’. Ona fetalai mai lea o le Atua ia te ia,“Ia e vavalo atu i na ivi ma fai atu i ai: Ivi mamago e, fa‘alogologo mai ia i afioga a le ALI‘I., ia toe foi le ivi i lona uluai tulaga”. I le vaaiga faaletagata, e lē mafai e ni ivi mamago ona lagona se mea, peitai na toe ola mai, ua sue le ivi e fesootai ma ua avea o se autau malosi. Ou te tatalo o soo se tulaga ua mamago pe oti i lou olaga, o le a faalogo i le siufofoga o le Atua e leai se mea e gata ai, ona toe ola mai lea, i le suafa o Iesu. Na tautala atu Esekielu i ivi mamago e pei ona faatonuina e le Atua e leai se mea e gata ai. Le au pele e, a e feagai ma ni tulaga e foliga mai ua leai se faamoemoe, e tatau ona e folafola iai le upu a le Atua. Folafola  atu le upu a le Atua i tulaga uma ua leai ni faamoemoe ona leai lea o se mea e te lē mafaia ona fai, ma e te vaai foi i le ofoofogia o le Atua e leai se mea e gata ai, i le suafa o Iesu, Amene.