O Le Atua E Leai Se Tapula’a (3) - The Unlimited God (3)

OPEN HEAVENSMATALA LE LAGI MO LE ASO TOONAI  21 FEPUARI 2026(tusia e Pastor EA Adeboye) Manatu Autu: O Le Atua E Leai Se Tapula’a (3) - The Unlimited God (3)Tauloto Tusi Paia: Tanielu 4:35 “O i latou uma o ē nonofo i le lalolagi, ‘ua peiseaī ‘ua leai i latou ‘ua ia faia fo‘i e tusa ma lona finagalo i ‘au o le lagi, ‘atoa ma ē o nonofo i le lalolagi; e leai se tasi na te tāofia lona ‘a‘ao pe fai atu ‘iā te ia, “O le a ‘ea le mea ‘e te fai?”Faitauga - Tusi Paia: Tanielu 2:20-22I aso e lua (2) ua tuana’i atu sa ou talanoa ai faatatau I le Atua e lē mafai ona taofia e ni mea fa’asalāvei poo tulaga e foliga e lē mafai ona ausia. O le asō ou te fia talanoa faatatau i auala e faaali/ faailoa ai e le Atua mata’utia lona natura Pule aoao e lē ma taofiofia pe faalavelaveina i le totonugalemū o faafitauli e foliga ua leai se fofō.Sa sau se tasi tinā ma tagi mai ia te a’u mo se fesoasoani. Ina ua o’u fesili poo lē a le faafitauli, na tali mai ua tia’i ia ma lana fanau e to’afā e lana tane ae alu nonofo ma le isi fafine e to’alima lana fanau, e ese o latou tamā (tulou). Fai mai le tinā, sa ou tauivi ma fai mea uma ou te mafaia e taofi ai la’u tane peita’i ua lē mafai. O le taimi lenei, ua ou manaomia le fesoasoani a le Atua mo a’u.” Sa o’u fai I le tinā e faigofie lona faafitauli talu ai, ua ia filifili e faataga le Atua e fesoasoani iā te ia. Sa ou tatalo mo le tinā ma fa’amautinoa i ai, o le a toe fo’i ifo lona toalua e faatoese ia te ia. E le’i umi ni aso mulimuli ane, ae tauaimisa lana tane ma le fafine ese o la nonofo ma faapea atu i ai le fafine ese, “ e te lē o iloa o oe ua leaga lou ulu? A na e poto e te lē tuua lau avā ma la’u fanau to’afā ma e sau e nofo I se fafine e to’alima le fanau, e ese o latou tamā.” Na tali le tamaloa, “O le mea moni ua e iloa.” Na ia ta’utino o ia ua fa’avalevalea, ma ia tāpena loa ana ato ma fo’i I lona aiga. Ina ua taunuu, sa ia aioi i lona toalua ia faamagalo ma toe talia ia, ma na talia lelei e lana avā. Ou te poloa’i ia liliu ou faiaina uma i le manumalō, i le suafa o Iesu. Po o fea lava ua faaletonu o lou olaga, e toe faatulaga lelei e le Atua e leai sona tapula’a mo lou lelei.Ina ua tu lalata i se faiga palota i totonu o Nigeria i ni tausaga ua mavae, sa popole nisi o tagata auā sa foliga mai e matuā lē mautinoa lava. Sa o’u fesili i nisi o i latou, “E te manatu o loo valu le ao o le Atua (tulou) ma fesili ia te ia lava faapea; ‘o le a le mea silisili ona lelei e fai i le taimi lenei?’ E leai se mea e tupu e fa’ateia ai le Atua mata’utia, ma e leai se faafitauli tulaga ese sona lavelave e lē mafai e le Atua ona tatala. O tagata uma ma mea uma o tatou vaaia i luga o le fogaeleele e i lalo ifo uma o ona aao auā o i le lagi lona nofoalii ma le lalolagi o le mea e tu ai ona aao (Isaia 66:1).Le au pele e, aua lava ne’i atuatuvale o outou loto i se tulaga foliga faigata ma ua lē mafai ona faafoe. Tu’u atu uma i aao o le Atua e leai se mea na te lē mafaia. O le a ia pulea ma faafoe mea uma ma avatu ia te oe le filemu e silisili lava i mea uma e manatu i ai e leoleoina ai o outou loto atoa ma o outou mafaufau ia Keriso Iesu (Filipi 4;6-7).TataloTamā ou te tu’u atu vaega uma o lo’u olaga i ou aao e leai se tapula’a, faamolemole ia e pulea, i le suafa o Iesu, Amene.