'ඔහුගේ මතකය අපි ඕස්ට්‍රේලියාවට රැගෙන ආවා', ලෝක යුද සමයේ ඉංජිනේරු ඒකකයක සිටි අණදෙන නිලධාරිවරයෙකු පිළිබඳ කතාවක්

සෑම වසරකම ඕස්ට්‍රේලියාව සහ නවසීලන්තය ජාතික අනුස්මරණයක් ලෙස ANZAC දිනය සමරනවා. ඒ පළමු ලෝක සංග්‍රාමයේ දී ඕස්ට්‍රේලියානු සහ නවසීලන්ත හමුදා Gallipoli වෙත ගොඩබෑමත් ඔවුන්ගේ ධෛර්යය සහ පරිත්‍යාගයන් සිහිපත් කිරීමත් සිදු කරමින්. බ්‍රිතාන්‍ය අධිරාජ්‍ය සමයේ සිලෝන් ලෙස හැඳින් වූ ශ්‍රී ලංකාවෙනුත් Gallipoli වෙත පිරිස් පිටත් වුණා. යුද වැදුණා. ජීවිත පරිත්‍යාග කළා. කොළඹ මහජන පුස්තකාලය ඉදිරිපිට ඇති ස්මාරකයේ ඔබට අදටත් ඒ නම් දැක බලා ගැනීමට පුළුවන්. පළමු ලෝක යුද සමයේ සිලෝන්හි දී සිය ඉංජිනේරු හැකියාවන් පෙන් වූ ලුතිනන් කර්නල් හෙක්ටර් රොනී පෙරේරා පිළිබඳවයි මේ විශේෂාංගය. එවක First Field Engineers හමුදා ඉංජිනේරු ඒකකයේ අණදෙන නිලධාරියා ලෙසයි ඔහු කටයුතු කර තිබුණේ. ඔහු කෙරේ සෙනෙහසින් මේ තොරතුරු අප සමඟ බෙදා ගත්තේ ඕස්ට්‍රේලියාවේ මෙල්බර්න් සිට ෆියෝනි මියුලර් පෙරේරා. ලුතිනන් කර්නල් හෙක්ටර් රොනී පෙරේරා යනු ෆියෝනාගේ ආදරණීය මාමණ්ඩියයි. පරපුරෙන් පරපුරට ඔහු පිළිබඳව මතකය රැගෙන යන ෆියෝනාගේ අදහස්වලට ඔබත් සවන් දෙන්න.