Omhels Jou Identiteit in Christus

Send us Fan Mail2 Korintiërs 5:17 Iemand wat aan Christus behoort, is 'n nuwe mens. Die oue is verby, die nuwe het gekom. Heelwat mense hier op aarde leef vandag minder-as-ideale lewens. Of eintlik moet ek sê: verskriklike lewens, nie uitsluitlik as gevolg van hul omstandighede nie, maar omdat hulle waardeloos voel. Ek wonder of jy iemand ken wat so voel?Ja, my vriend, sommige mense leef wel onder verskriklike omstandighede. Mense leef in uiterste armoede, ander leef onder die bedreiging van oorlog en geweld, ander mense is verlate en heeltemal alleen. En in baie gevalle maak selfs die kleinste ingryping om daardie omstandighede te verander, 'n ontsettende groot verskil.Maar weet jy, ek het al mense ontmoet wat byvoorbeeld in uiterste armoede of onder erge vervolging leef, wie se gesigte met ‘n vrede en vreugde straal. Dit laat ‘n mens heeltemal verbysterd voel. Dit gaan jou verstand te bowe. Hulle getuig van ‘n innerlike liefde wat nie na die omstandighede kyk nie.Jy sal dit eers verstaan wanneer jy besef dat daardie vrede en vreugde uit 'n plek van volkome liefde, volkome aanvaarding, volkome versekering, kom. Ja, my vriend, dit kan nie deur geld gekoop word of uit enigiets wat hierdie wêreld bied, verkry word nie.2 Korintiërs 5:17 Iemand wat aan Christus behoort, is 'n nuwe mens. Die oue is verby, die nuwe het gekom.Tim Keller, ‘n pastoor en skrywer het oor hierdie nuwe identiteit gesê: Die enigste identiteit wat nie broos is nie – die enigste een wat jou werklik kan transformeer – is die een wat jy ontvang, nie die een wat jy bereik nie. In Christus word jy ten volle geken en ten volle liefgehê.Sodra jy weet hoe baie God jou liefhet deur wat Jesus aan die kruis vir jou gedoen het; ja, dis reg: wanneer jy werklik, jou nuwe identiteit in Christus ten volle omhels, verander dit alles. Want die oue is verby, die nuwe het gekomDis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY